FESTA DA AUGA

Aínda que o día amenceu nubrado e algo fresco, tivemos unha xornada espectacular onde a auga foi a gran protagonista. 

Mentres o sol non quentaba, a mestra Marta deleitounos cun divertido conto no que tíñamos que contar rás. 

Despois, coa axuda da mestra Ana e Rebeca, construímos unha reciclando un tubo de papel hixiénico.

Case sen darnos conta o sol comezou a quentar e puidemos empezar cos xogos. 

Primeiro coas camisetas postas, despois, ao entrar en calor, foron sobrando.

Fixemos carreira, superamos obstáculos, recatamos animais... 

Pero o mellor veu ao final cando comezou a batalla coas pistolas de auga ...

FESTA DA FROITA

 

Co obxectivo de fomentar unha opción de almorzo saudable nos recreos, este curso celebramos o Día Escolar da Froita. Dende primeira hora, a aula encheuse deste saboroso e nutritivo alimento. Ademais das que trouxo o alumnado, tíñamos preparada sandía, cereixas, fresas, plátano, mazá … que ricas!

E que mellor que o teu mercado para comprar froita de tempada e produtos locais? Dende a nosa escola unímonos á campaña “Quere o teu mercado” lendo o contiño “Ana e Xurxo celebran o Día do mercado” e repartindo agasallos cedidos dende o Concello.

A CAIXIÑA DOS BICOS

 

Esta semana por fin repartimos os biquiños que fixeramos en xaneiro. Con eles enchemos as caixiñas que decoraramos imitando o estilo de Yayoi Kusama. Levámolos para casa gardadiños por se durante o verán botamos en falta aos amiguiños.

BO CAMIÑO PEREGRINO!

O luns, cun día de sol espectacular e cargados de ilusión, realizamos a nosa andaina anual pola Variante Espiritual do Camiño de Santiago. No transcurso da xornada atopamos moitos peregrinos aos que saudamos e, como manda a tradición, desexamos Bo Camiño!.

Foi unha mañá chea de descubrimentos e pequenos tesouros.

Vimos figueiras, loureiros, abeleiras, vides, kiwis … ata canas de bambú.

O croar das ras acompañounos durante todo o camiño ao igual que o cantar dos paxariños.

Ao chegar á praia fluvial, descansamos e enredamos coa area e as flores.

E expresamos tan enriquecedoras vivencias a través de debuxos.

Despois merendamos para recuperar forzas e continuamos co percorrido.

Entre xogos en cancións, chegamos pronto ao final do traxecto e sobrounos tempo para cruzar a ponte e brincar na praia á sombra da marxe esquerda do río. Alí vimos multitude de zapateiros na auga e peixiños.

E nada mellor que rematar a xornada que lendo contiños rodeados de natureza.

EXCURSIÓN A CORTEGADA

Despois de tanto tempo sen poder ir de excursión debido á pandemia, o pasado 26 de maio por fin puidemos facelo. Cheos de ilusión emprendemos rumbo a Carril en autobús.

Nada máis chegar atopamos a primeira sorpresa: unha estrela de mar! 

Despois veu o máis emocionante, o percorrido en lancha ata a Illa de Cortegada.

Mentres esperabamos polo resto do grupo, fixemos fotos cos compañeiros de Sisán.

E guiados pola monitora Marina, que nos acompañou durante todo o percorrido, coñecemos a illa e descubrimos os seus segredos.