FESTIVAL DE NADAL 2023

 

Un ano máis o noso festival de Nadal veu cargado de teatro, actuacións, xogos, bailes e, por suposto, a visita do Apalpador.

ÁRBORE DE NADAL

Chega o Nadal ás nosas propostas culinarias da fin de semana cunha saudable árbore de uvas. A nosa chef Antía xa se puxo en marcha e quedoulle xenial.

E para os amantes do kiwi, o noso cociñeiro Brais tráenos unha espectacular versión con esta froita como ingrediente principal.

FESTIVAL DE NADAL 2022

Este curso por fin puidemos volver a celebrar a chegada do Nadal xuntándonos cos nenos de todas as aulas e as familias.

 Tivemos unha maña repleta de actividades: contacontos, badaladas, merendola, visita do Apalpador e as espectaculares actuacións das aulas baixo a dirección da mestra Olalla de música. Grazas a todas as persoas que colaboraron na organización da festa.

A continuación vos deixamos con moito agarimo o divertido vídeo en lingua de signos que editou a mestra Malú. Picade na imaxe inferior para acceder a el.

A PIRULETA DE PAPÁ NOEL DE LÚA

A nosa cociñeira Lúa xa elaborou a piruleta de Papá Noel que propuxemos a semana pasada. Mirade na imaxe que nos enviou que divertida lle quedou.

AS ÁRBORES DE NADAL DE ANTÍA, BRAIS E NOA

E chegou o momento de encher de árbores de Nadal as nosas propostas culinarias da fin de semana. Nesta ocasión propuxemos empregar mandarina coma ingrediente principal.

O noso chef Brais, usou plátano para o tronco e arándanos e fideos de colores para decorar.

Coma outras veces, contou coa inestimable axuda da súa irmá Lía.

E despois de cociñar, nada mellor que gozar saboreando a creación. 

A nosa cociñeira Noa optou por boliñas de chocolate na decoración da árbore.

Tres versións diferentes e todas boísimas!

PARA MERENDAR RENOS DE MANDARINA

O Nadal chegou ás propostas culinarias da fin de semana. Comezamos con esta divertida receita chea de vitaminas.

O RENO DE NOA E ANA

 

Mirade nas imaxes que chuliña queda a versión realizada por Ana e Noa do reno empregando pan de molde e queixiños mini babybel. Dúas excelentes cociñeiras. Grazas familia por compartir as fotografías connosco.  

AGASALLOS DO APALPADOR

 

Antes das vacación de Nadal, escribiramos cartas ao Apalpador pedíndolle cousiñas para compartir na aula. Onte cando chegamos non atopamos nada, pero buscando, buscando …  dimos con sorpresas para todos.

FESTA DE NADAL

 

Aínda que non puidemos xuntarnos cos nenos das outras escolas, si que tivemos unha mañá festiva. Comezamos vestidos para a ocasión e con panxoliñas.

Continuamos cun obradoiro no que creamos diversos obxectos de Nadal.

Recibimos a visita do Apalpador que recolleu as cartas coas nosas peticións e deunos un agasallo. E rematamos a xornada con xogos e bailes. Grazas familias pola vosa colaboración.

PEQUENO AZUL PEQUENO AMARELO

Hoxe é o día 22 polo que, continuando co xogo de lecturas inclusivas proposto por Zapatocas, tivemos que buscar na árbore de Nadal da biblioteca a bóla que ten ese número. Debaixo está agochada a portada do conto “Pequeno azul, pequeno amarelo”. Un bonito libro que fala de como dúas pequenas cores fúndense nun abrazo sen decatarse de que se converten nunha nova cor.

A ÁRBORE DE NADAL DE NOEL

O noso cociñeiro Noel tamén comezou co Nadal nas súas creacións. Mirade nas fotografías que ben elaborou a árbore con kiwi.

A continuación tedes a receita e o vídeo da versión con uvas.

ÁRBORE DE NADAL

Aínda estamos en novembro pero xa comezamos cos preparativos de Nadal, unha das festas que máis gusta a pequenos e maiores. As nosas propostas culinarias da fin de semana tamén van encherse deste aire festivo. Empezamos cunha árbore de Nadal do máis saudable a base de kiwi. No vídeo tedes o  proceso de realización e na imaxe inferior a nosa receita.

CONCURSO DE POSTAIS DE NADAL

Un ano máis o Concello de Ribadumia convoca o seu tradicional concurso de postais. Coa axuda da mestra Ana cada meniño está realizando a súa para participar. Paseniño van quedando preciosas. Grazas profe Ana!

QUE SORPRESA!

 

Onte cando chegamos á biblioteca atopamos unha caixa debaixo da mesa. Non sabíamos de quen era e preguntamos ao resto das mestras. Ninguén sabía nada. Rapidamente os meniños comezaron a lanzar hipóteses. E se a deixou O Apalpador? Ou Papá Noel? Ou os Reis Magos?... Decidimos abrila e …  Que  sorpresa! ... Todos eles nunha carta contábannos que recibiran as nosas misivas e deixábannos xoguetes e un libro.