A BICICLETA DE BRAIS

Tras a xornada de educación vial, decidimos levar as bicicletas as nosas propostas culinarias da fin de semana. Mirade nas imaxes que espectacular quedou a que cociñou Brais.

AS RECEITAS DE ANA E NOA

Xa temos as fotos das creacións das nosas cociñeiras Ana e Noa. Mirade nas imaxes que ben lle quedaron estas receitas de inverno.

PINGÜÍNS

Cada 20 de xaneiro conmemórase o Día de Concienciación polos pingüíns,para unirnos a esta celebración, levamos estes animaliños ás nosas propostas culinarias da fin e semana con esta divertida receita.

O noso cociñeiro Noel xa nos enviou a súa creación. Mirade nas imaxes que chuliño  lle quedou.

O BONECO DE NEVE DE ANTÓN

Co inverno chega a neve as nosas prpostas culinarias da fin de semana. O primeiro en animarse a elaborar esta divertida receita foi o noso chef Antón. Mirade na imaxe que ben lle quedou.

ÁRBORE DE NADAL

Chega o Nadal ás nosas propostas culinarias da fin de semana cunha saudable árbore de uvas. A nosa chef Antía xa se puxo en marcha e quedoulle xenial.

E para os amantes do kiwi, o noso cociñeiro Brais tráenos unha espectacular versión con esta froita como ingrediente principal.

ESPANTALLO AMIGO

Co motivo do aniversario do nacemento do escritor Xosé Neira Vilas, a semana pasada estivemos a ler e traballar ao redor do libriño “Espantallo amigo”. Coñecemos ao Tío Ramón, os merlos e outros persoeiros deste entrañable conto. Como non podía ser doutro xeito, levamos ao protagonista da historia ás nosas propostas culinarias da fin de semana.

A nosa cociñeira Lúa xa se animou a elaboralo e enviounos as fotos da súa espectacular creación.

A BRUXA E A SÚA CASA

 

Nesta ocasión recibimos as fotos dunha terrorífica bruxa cociñada pola nosa chef Antía. Para a elaboración dos pelos empregou un nutritivo plátano. Que medo!

E o noso bruxo Aarón animouse a preparar a casa da bruxa. 

Que bonita lle quedou!

AS CASAS DAS BRUXAS

Nas nosas propostas culinarias da fin de semana continuamos a voltas coas bruxas. Nesta ocasión optamos polas casa destes máxicos personaxes. Os nosos cociñeiros Antía e Brais xa nos enviaron as súas saborosas creacións.

A BRUXA SOFRONISA

Nunha das nosas visitas semanais á biblioteca escolar, descubrimos o conto “Daniela Pirata e a bruxa Sofronisa”. A partir da súa lectura comezamos a mergullarnos no fascinante mundo das meigas. 

 

As nosas cociñeiras Ana, Noa e Yaiza xa se puxeron en marcha e mirade que creacións máis divertidas nos mandaron. 

Na receita que traballamos en clase propoñiamos empregar tortiñas de arroz para facer a cara. As nosas chefs Noa e Ana optaron por empregar arepas. Un xeito de divertirse dobremente realizando a masa. 

Grazas familias por compartir as imaxes connosco! 

ORELLA CORTADA

Cando limos o contiño de Daniela Pirata coñecemos a Orella Cortada, o malvado capitán do Caimán Negro, e decidimos levar este persoeiro ás nosas propostas culinarias da fin de semana. Os nosos chefs de Leiro xa nos enviaron ás súas espectaculares creacións.

OS PAVOS REAIS DE BRAIS, LÚA E YAIZA

Como podedes ver nas fotos, en Leiro temos uns cociñeiros e cociñeiras espectaculares! Grazas familias por participar nas propostas e compartir as imaxes connosco!

Que rica a elaboración de Yaiza con arándanos!

Ou se o preferides podedes empregar nutritivas framboesas coma Lúa e Brais. Que saborosas!

E nada mellor que cociñar en familia! 

UN PAVO REAL DE UVAS

Cun outonal pavo real, esta semana rematamos as nosas propostas culinarias coas uvas coma protagonistas. A nosa chef Antia xa nos enviou a súa creación. 

Mirade nas imaxes canto traballiño levou e que ben lle saíu.

AS BOLBORETAS DE NOA E ANA

Paseniño o noso blog vaise enchendo de saborosas e nutritivas bolboretas. Hoxe temos as creadas por Ana e Noa. Grazas, familia! Quedaron xeniais!

BOLBORETA DE UVAS

Coa volta á rutina, inauguramos o noso obradoiro de cociña con propostas que teñen as uvas como ingrediente principal. Comezamos cunha divertida bolboreta. 

En clase traballamos ao redor da receita con diferentes graos de implicación dependendo da idade dos meniños.

Os máis pequenos con letras móbiles e os maiores con grafías máis complexas.

Despois en casa podedes elaborar as diferentes receitas e enviarnos as fotos ao correo como fixeron Yaiza e Antía.

Podedes substituír os ingredientes suxeridos por outros que teñades na casa ou facer as vosas propias versións.Grazas a Yaiza e Antía por compartir as súas creacións connosco, quedaron chulísimas!