A PANTASMA DAS BRAGAS ROTAS

Continuamos traballando ao redor dos libros ilustrados por Gómez. Nesta ocasión tócalle quenda a “A pantasma das bragas rotas”, un divertido conto cun final inesperado.

DÍA DA ILUSTRACIÓN

O vindeiro 30 de xaneiro conmemórase o Día da ilustración. Este ano dedicámolo a artista Gómez, autora das imaxes do libro Daniela Pirata. Estamos vendo e lendo moitos dos contos que ten ilustrado e realizando actividades ao seu redor. Comezamos a semana pasada coa divertida obra “Un dedo no nariz”

LA CUEVA DE NICO

Como nos gustou este contiño que limos fai unhas semanas na biblioteca! 

 

Tanto que decidimos crear un cavernícola coma o protagonista. Xa vos ensinaremos o resultado cando o rematemos.

CRONIÑÓN

Comezamos o segundo semestre mergullándonos na prehistoria da man de Croniñón.

OS ESQUELETOS CHEGAN Á BIBLIOTECA

Zapatoca tamén quere mergullarse de cheo no mundo dos esqueletos e preparou un recuncho cheo de libros desta temática. O luns limos o seguinte conto que ten un esqueleto especial coma protagonista, pero tamén fala de emocións e cadros famosos.

ADOPTAR UN DINOSAURIO

 

A semana pasada Zapatocas tíñanos preparado este simpático conto para ler na biblioteca. 

Ademais de  divertirnos do lindo con el, serviunos de escusa para traballar ao redor dos días da semana.

DINOSAUROS

¿SOY TUYO?

 

Hoxe na nosa visita semanal á biblioteca, Zapatocas tiñanos preparado este bonito conto. Con el comprobamos que non todos os dinosauros son iguais e decidimos comezar a investigar ao redor destes impresionantes seres. Preparados para acompañarnos?

O RENO DE PAPÁ NOEL

Na nosa proposta culinaria desta fin de semana, traemos un reno de Papá Noel. En clase vimos unha receita sinxeliña empregando coma base un sobao, pero no seguinte vídeo tedes outra opción con madalenas.

PEQUENO AZUL PEQUENO AMARELO

Hoxe é o día 22 polo que, continuando co xogo de lecturas inclusivas proposto por Zapatocas, tivemos que buscar na árbore de Nadal da biblioteca a bóla que ten ese número. Debaixo está agochada a portada do conto “Pequeno azul, pequeno amarelo”. Un bonito libro que fala de como dúas pequenas cores fúndense nun abrazo sen decatarse de que se converten nunha nova cor.

UN NADAL INCLUSIVO

Esta semana Zapatocas preparounos na biblioteca unha árbore de Nadal moi especial.  Está cheo de bólas numeradas que agochan portadas de contos que teñen en común o respecto á diversidade. Son lecturas inclusivas, onde todos os seres teñen cabida, ninguén queda fóra. A tolerancia, a comprensión, a empatía, a aceptación das diferenzas e a capacidade de poñerse no lugar dos outros, son as palabras claves desta proposta.

Cada semana, na nosa visita á biblioteca escolar, debemos buscar a bóla que corresponde ao número do día no calendario e ler o conto sorpresa do seu interior. O luns pasado tocounos “Unha casa a media”e  encantounos. A ver que libro atopamos mañá.

COÑECENDO A DON QUIXOTE

Co gallo do Día do Libro, onte Zapatocas preparounos unha recompilación de libros ao redor da figura de Don Quixote. No transcurso desta semana iremos coñecendo algúns dos personaxes e aventuras da obra máis coñecida de Miguel de Cervantes.

FELIZ DÍA DE ROSALÍA!

A  Asociación de Escritores en Lingua Galega anima á cidadanía a celebrar o Día de Rosalía regalando aos seres queridos un libro e unha rosa.

Dende a nosa escola unímonos a esta fermosa iniciativa adaptándoa as idades dos nosos alumnos. En lugar do libro,  os rapaces reescribiron e levaron para agasallar un anaquiño personificado do fermoso poema “Parece unha rosa”. 

A flor, elaborámola empregando os folios reciclados que decoraramos imitando a técnica de Eric Carle que tanto nos gusta. Esperamos que gocedes da poesía e das flores na casa tanto coma nós na escola.

LIMÓN

 

Continuamos mergullándonos na lingua de signos e aprendendo novas palabras, nesta ocasión co contiño “Limón”. Paralelamente estamos  reescribíndoo e memorizándoo a través da súa versión musicada. 

Por se queredes practicar tamén na casa, deixámosvos os seguintes vídeos.

E xa que andabamos a voltas cos limóns, non podíamos deixar pasar a oportunidade de ir velos á horta da escola. Había bastantes froitos e a mestra Ana da aula de natureza repartiu a colleita ente todos.

QUERES XOGAR CONMIGO?

Hoxe continuamos vendo os contiños ilustrados por Eric Carle que temos na biblioteca escolar. No que eliximos, ademais de gozar coa súa lectura,  tiñamos o reto implícito de identificar cada animal a partir da súa cola. A continuación vos deixamos un vídeo coa súa versión en castelán titulada ¿Quieres ser mi amigo?

O BAILE DOS PINGÜÍNS

 

Á maioría dos meniños da aula aínda lles custa aclararse cos conceptos dereita e esquerda. Hoxe con este divertido baile que vimos na aula de Ribadumia b, estivemos traballando estas nocións. Preparados para practicar tamén na casa?

FELIZ DÍA DOS PINGÜÍNS!

 

Hoxe conmemorase o Día da concienciación polos pingüíns. O obxectivo desta celebración é promover a protección e coidado destes animaliños. 

Na nosa aula tamén quixemos unirnos a esta iniciativa coñecendo algunhas das características destas aves. Amodiño, a través de libros e documentais, estamos aprendendo cousas curiosas. Pero tamén divertidas coma a manualidade que realizaron coa axuda da mestras Olalla e Malú.

ANIMAIS

Como xa todos sabedes, este curso a mestra Malú anda a ensinarnos moitas palabriñas na lingua de signos. Secundando a idea da mestra Marta de Ribadumia, aproveitamos a sesión semanal que Malú ten connosco na aula para que nos axudara a aprender os signos das que aparecen no libriño “Animais”. Paralelamente e paseniño, ao longo do trimestre, fomos reescribindo  e memorizando este contiño. A semana pasada rematámolo e o venres levámolo a casa para poder cantarllo á familia. Para os que lle esquecera algún signo, no seguinte vídeo tedes todos na adaptación feita por Tareixa Martínez Barral e na que nos baseamos. 

 

O APALPADOR

Como xa vén sendo unha tradición na nosa escola, coa chegada do Nadal traballamos ao redor da figura do Apalpador para dar a coñecer este personaxe das montañas do Courel. Para os que aínda non coñezan a súa historia, a continuación vos deixamos este vídeo do CEIP Coirón Dena.

Todos os anos, os meniños escríbenlle unha carta na que lle piden algún xoguetiño de madeira para a clase. El adoita vir recollelas ao noso festival de Nadal. Debido á pandemia, este curso non poderemos realizalo. Pero o Apalpador recibirá igualmente as misivas.

RODOLFO O RENO