O MONO DOURADO DE NOA

 

Nas últimas semanas, as nosas propostas culinarias tiveron coma protagonistas algúns animais que viven en China. A nosa cociñeira Noa animouse a elaborar un mono dourado. Mirade nas imaxes que ben lle quedou.

CHINA

 Tras salvar a Aouda, o señor Fogg continúa a súa viaxe ata China. Un dos países máis impresionantes do mundo. Preparados para coñecelo?

FELIZ DÍA DO LIBRO!

 

Para celebrar un día tan especial, onte a ANPA da nosa escola repartiu entre todo alumnado do centro minilibros de Kalandraka. Son contos de pequeno tamaño pero cun contido e unha forma moi coidada. Ideais para levar de viaxe.

Dende a biblioteca escolar tamén quixemos conmemorar esta data tan especial editando a seguinte guía de lectura en formato dixital. 

A TORRE EIFFEL DE NOEL

 

Que difícil é construír a Torre Eiffel con galletas barquillo! Pero o noso cociñeiro Noel conseguiuno! Parabéns!

O ELEFANTE DE AARÓN

 

A Aarón encántanlle os elefantes e animouse a enviarnos a foto do que cociñou. Mirade na imaxe que nos mandou o ben que lle saíu. Está feito un cociñeiro espectacular!

ELEFANTES ASIÁTICOS

Traballando ao redor da India, descubrimos que aman moito aos elefantes e gustan de decoralos e facer desfiles con eles.

En clase visitamos varias web ao respecto e vimos diferentes vídeos.

E como xa sabedes que nos gusta a cociña, propuxemos elaboralo coa seguinte receita sinxeliña. A ver quen se anima a realizalo.

A HIXIENISTA DENTAL

 

O mércores pasado tivemos outra visita especial. Veu Maruxa, unha hixienista dental a falarnos da importancia de coidar a nosa dentadura. Contounos unha chea de curiosidades sobre os dentes dos animais do mundo e da importancia da alimentación no seu coidado.

Da súa man aprendemos que temos que lavarnos os dentes tres veces ao día e durante tres minutos. Para practicar tróuxonos unha boca xigante e un cepillo. Lembrounos que, nesta tarefa de hixiene bucal, non podemos deixar atrás a lingua, onde se acumulan multitude de xermes.

Para rematar deixounos unha bolsiñas con agasallos, consellos e unhas saborosas receitas para preparar merendas saudables.

INDIA

 

VACAS SAGRADAS

 

O noso viaxeiro Fogg chegou á India, un impresionante país onde as vacas son sagradas. No capítulo 6 da famosa serie televisiva "A volta ao mundo en 80 días", vimos as consecuencias para Tico e Rigodón de non tratar estes animais co seu debido respecto. Pero a nós serviunos de inspiración para  a proposta culinaria da semana pasada.

LIBROS DE EXIPTO

Na nosa biblioteca escolar temos unha chea de libros de literatura infantil pero tamén moitos fondos onde buscar diversa información. Hoxe aproveitamos a nosa visita á biblioteca escolar para ver onde están situados os libros de Exipto. Comprobamos que todos teñen pegatina branca e o número 9 porque tratan de xeografía e historia.

ENTROIDO 2022

Este curso volvemos a celebrar o Entroido a nivel de aula para cumprir coas medidas sanitarias. “A volta ao mundo” no sentido  máis amplo da palabra foi a temática ao redor da que xiraron os nosos disfraces, cunha homenaxe especial á artista xaponesa Yayoi Kusama.

No transcurso da maña no puidemos xuntarnos co resto das clases pero divertímonos igual cantando, bailando, lendo contos, facendo manualidades e xogando. 

A MOMIA DE NOA

 

Noa tamén animouse a elaborar esta divertida receita. Mirade nas imaxes que ben lle saíu.

A MOMIA DE ANA E NOA

E xa que andamos a coñecer o Antigo Exipto, propuxemos elaborar unha divertida momia. E aquí están as creacións das nosas espectaculares cociñeiras Ana e Noa.

EXIPTO

O barco onde viaxa o señor Fogg chega ao Canal de Suez. Aproveitamos a parada en porto para coñecer o impresionante Antigo Exipto.

O NIÑO DE PAXAROS DE NOA

A nosa cociñeira Noa xa nos mandou as fotos co proceso de elaboración do niño de paxaros. Mirade nas imaxes que bonito e apetitoso lle quedou, dan ganas de comelo. Grazas Noa por compartir tan saboroso prato connosco.

ITALIA

 

O señor Fogg, na súa andaina ao redor do mundo, pasou por Italia e alí coñecemos a Befana. Unha bruxa boa que adoita deixar caramelos na Noite de Reis aos meniños italianos. Preparados para aprender a súa canción?

A TORRE EIFFEL DE NOA

Noa púxose mans a obra e mirade que ben lle saíu a Torre Eiffel. Ademais de cociñeira é unha estupenda arquitecta. Grazas Noa por compartir connosco as fotos de todo o proceso.

A TORRE EIFFEL

Como andamos a voltas con París, non podíamos deixar pasar a oportunidade de levar ás nosas propostas culinarias da fin de semana o seu monumento máis famoso. Neste enlace tedes a receita que levaron o nenos o venres para casa. Pero se referides unha opción máis saudable, facendo clic aquí accederes a unha versión con moras e framboesas.

E xa que andamos a voltas coa Torre Eiffel, deixámosvos esta bonita canción e a súa versión con xestos que compartiu connosco a mestra Marta de Ribadumia.