VELUTINA

Alá polo mes de xaneiro, vimos no xornal Faro de Vigo o gran número de niños da avespa velutina que se están a eliminar. É moito o dano que este insecto está a ocasionar principalmente nas colmeas de abellas. Fai unhas semanas, cando estabamos no recreo, uns operarios viñeron a colocar trampas ao redor da nosa escola. Graciñas a eles puidemos coñecer un chisquiño máis como son e como funcionan.

VISITA A APÍPOLIS

Para coñecer o mundo das abellas o venres fomos a Apípolis. Ademais de descubrir e probar os produtos que producen estes insectos, os meniños puideron vestir o traxe de apicultor, visitar o apiario, confeccionar unha vela e incluso cociñar unhas ricas galletas de mel.

AVESPA ASIÁTICA

O xoves pasado foron as avespas asiáticas as que ocuparon a maior parte do tempo que dedicamos semanalmente a traballar cos xornais. Vimos a noticia no diario “La Voz de Galicia” e aproveitámola para, ademais de ver a numeración das páxinas, coñecer algunhas cousiñas deste insecto invasor. Buscamos a reportaxe na prensa dixital e quedamos abraiados co tamaño que alcanzan os seus niños. Vimos algúns vídeos deste insecto en internet, puidemos observar en directo como as avespas invaden unha colmea para alimentarse das crías pero tamén como construír trampas para combatelas. 

EXCURSIÓN DE FIN DE CURSO

Viaxe en autobús ata Apípolis, visita ao apiario vestidos co noso traxe de apicultor, observación da colmea, percorrido polas salas da exposición para ver a raíña das abellas e aprender sobre o mundo destes insectos, extracción e degustación de mel e polen, creación dunha candea, elaboración dunhas riquísimas galleta de mel … ¡Que ben o pasamos e cantas cousas descubrimos!

PREPARANDO A EXCURSIÓN DE FIN DE CURSO

Este venres, para coñecer o impresionante mundo das abellas,  imos visitar Apípolis. Onte, xa quentamos motores degustando o rico mel que nos trouxera Carlos da colleita da súa casa.  ¡Que rico estaba!... un bico moi forte para a súa familia por compartir connosco tan delicioso e nutritivo alimento.

Despois, aproveitando a nosa visita semanal á biblioteca escolar, comezamos a mergullarnos na vida destes traballadores insectos observando algúns dos libros que temos deles. Vimos como é a súa anatomía e os nomes das partes do seu diminuto corpo. Seguro que na excursión descubriremos moitas más cousas.  Non vos esquezades de ser puntuais, levar calzado cómodo e seguir as indicacións da nota que levaron hoxe os nenos para casa.

A AVESPA ASIÁTICA

Vímola fai unhas semanas no número 303 dun xornal chamado Fouce que nos trouxo Mencía. No artigo limos que son perigosas porque matan ás abellas para comer o seu tórax causando un grave dano ás colmeas. No reportaxe di que as persoas expertas aconsellan construír trampas, nós intentamos facelas cunha botella pero o resultado non foi moi bo que digamos, aínda que serviunos para ter unha idea de como poderían ser.

O xoves Rita deunos un avespeiro baleiro que atopara o seu pai e retomamos o tema. Estivemos observándoo, buscamos información nos libros que temos na biblioteca, vimos como medran as larvas no seu interior, reflexionamos sobre o perigosas que poden chegar a ser e, hoxe, comparámolo co niño das avespas asiáticas que ven no periódico e rematamos o noso traballo ao redor da noticia. 

O COLISEO E OS GLADIADORES

No conto “Cartas de Félix” viramos unha ilustración do Coliseo pero non sabíamos nada del. A mestra explicounos que era unha especie de “circo” e para axudarnos a comprendelo vimos o vídeo Cantiflas visita el coliseo, clicando no título tedes un acceso directo por se queredes volver a velo en familia. Nesta liña, aproveitamos a visita semanal dos luns á biblioteca para investigar. Alí atopamos o libro “100 cosas que deberías saber sobre los gladiadores” e quedamos abraiados. No blogue http://migrimorioescolar.blogspot.com.es/search/label/PROYECTO%20LOS%20ROMANOS que nos recomendou a mestra Marta,

 tedes, ademais do vídeo de Cantiflas, moita información sobre Roma adaptada aos nenos de infantil. E falando da mestra Marta de Ribadumia, visitade a entrada http://ribadumiapequenos.blogspot.com.es/2012/05/o-marabilloso-mundo-dos-animaisas.html do blogue da súa aula, veredes uns interesantes vídeos sobre as abellas.

AS ABELLIÑAS DE LEIRO

Despois de tantos días mergullados no mundo das abellas, non puidemos resistirnos a facer a nosa presentación de aula para a revista escolar transformados nestas fabricantes de mel…

O APICULTOR

Despois da visita a Apípolis toca repasar e afianzar o aprendido. O luns, na biblioteca, limos o libro ¿Cómo se hace la miel? e lembramos como se chamaba e escribía o oficio das persoas que coidan das abellas. A mestra tróuxonos algúns dos obxectos que viramos na excursión pero que non manipularamos. Comprobamos o suave que é o cepillo para non mancar ás abellas, fai cóxegas e non puidemos evitar rir. 

O afumador cheira forte pero nos gustou descubrir como era por dentro e sentir como botaba aire.

Se queredes ver máis fotos da excursión a Apípolis, podedes visitar os blogues dos pequenos e maiores de Ribadumia, Sisán e Lois, soamente tedes que clicar nas palabras para acceder directamente.

UN DÍA CHEO DE EMOCIÓNS

Coa viaxe en autobús ata Apípolis

comeza a nosa aventura...

Ao chegar divídennos en pequenos

grupos para rotar por todos os

obradoiros. Para visitar o apiario onde

 están as abellas temos que ir ben

protexidos...

Os monitores van poñéndonos o traxe

de apicultor: a funda, as luvas e, por

último, a máscara. Explícannos

como temos que comportarnos

coas abellas para non molestalas.

Vestidos de apicultores e listos

para empezar co traballo non hai

 quen nos distinga … ¿sabedes quen é quen?

Coa axuda do afumador, faise

 crer ás abellas que hai un incendio.

Introdúcense na colmea e podemos

 observalas mellor.

Co extractor de cadros o apicultor

pode manexar os cadros cos panais

e mostrarnos as larvas, o polen e o mel

 almacenado nas celas.

Ao saír do apiario hai que pasar

o cepillo por todo o traxe para

varrer as abellar que puideran quedar

adheridas a el.

Chega o momento da merenda.

 Unhas ricas galletas axudan

a coller forzas para seguir coa visita.

As abellas ademais de mel

proporciónannos polen. A

monitora móstranos o sistema

 empregado para que as abellas

se desprendan das boliñas del

 que transportan nas

súas patas traseiras.

Xa sabemos como fan os

apicultores para coller o polen que

as abellas colectan,

agora toca cheiralo e probalo.

As celas que conteñen o mel están

tapadas. Cun coitelo especial

desopercúlanse para poder

extraer o mel que conteñen

Despois introdúcense no extractor,

pero todos temos que axudar para

facer xirar a manivela se queremos

obter o mel.

¿Quen quere mel?... Primeiro

probamos un pouquiño

co dedo. Despois, quen

quere máis, soamente ten

que abrir a boca e...

Pero tamén envasamos un

 pouquiño para darllo a

probar a: mamá, papá, o avo...

Hai que deixalos ben

colocadiños, cada un o seu,

para que non rompan...

Pero ademais de mel e

polen, as abellas fabrican

cera. Cunha mecha e un

pouquiño de paciencia...

...construímos a nosa candea

personalizada.

Tamén hai momentos de

cancións mentres esperamos

para entrar no obradoiro de cociña.

Fariña, levadura, mantequilla, ovos,

azucre e, por suposto, mel.

Amasamos, cantamos e,

con moito coidadiño,

dámoslle á masa a forma de galleta.

Uns minutiños no forno

e xa temos preparadas

unhas ricas galletas de mel.

Metemos catro en cada

paquetiño e ¡listas para levar!. 

A través dun divertido contacontos

coñecemos a historia de

Moncho e o enxame de abellas. 

Embobados e entre risas

seguimos as aventuras de Moncho.
Pero o mellor, o saúdo que debemos 
facer a abella raíña cando visitemos

 a exposición.

As clase de abellas, as súas

función dentro da colmea,

os seus inimigos … a

través de paneis seguimos

 mergullándonos no mundo

destes insectos.

Coa busca da abella raíña e un

par de xogos máis chega a hora

do xantar.

Con lanzamentos de pelotas e

carreiras polo campo

esperamos que preparen

 as mesas. Ensalada,

 croquetas, espaguetes … ¡que rico!

E pola tarde con cancións e xogos

 chega a hora de marchar…

No autobús de regreso estamos tan cansadiños que o sono pode con moitos de nós...