A BICICLETA DE BRAIS

Tras a xornada de educación vial, decidimos levar as bicicletas as nosas propostas culinarias da fin de semana. Mirade nas imaxes que espectacular quedou a que cociñou Brais.

O MENÚ SAUDABLE

O venres levamos para casa un divertido prato para axudar a distribuír as porcións de  alimentos de xeito saudable. A metade do prato está dedicada a froitas e verduras, un cuarto a proteínas como pescados ou carnes brancas, e o cuarto restante, a grans integrais entre os que están a pasta ou o pan.

AS CASAS DAS BRUXAS

Nas nosas propostas culinarias da fin de semana continuamos a voltas coas bruxas. Nesta ocasión optamos polas casa destes máxicos personaxes. Os nosos cociñeiros Antía e Brais xa nos enviaron as súas saborosas creacións.

A BRUXA SOFRONISA

Nunha das nosas visitas semanais á biblioteca escolar, descubrimos o conto “Daniela Pirata e a bruxa Sofronisa”. A partir da súa lectura comezamos a mergullarnos no fascinante mundo das meigas. 

 

As nosas cociñeiras Ana, Noa e Yaiza xa se puxeron en marcha e mirade que creacións máis divertidas nos mandaron. 

Na receita que traballamos en clase propoñiamos empregar tortiñas de arroz para facer a cara. As nosas chefs Noa e Ana optaron por empregar arepas. Un xeito de divertirse dobremente realizando a masa. 

Grazas familias por compartir as imaxes connosco! 

ORELLA CORTADA

Cando limos o contiño de Daniela Pirata coñecemos a Orella Cortada, o malvado capitán do Caimán Negro, e decidimos levar este persoeiro ás nosas propostas culinarias da fin de semana. Os nosos chefs de Leiro xa nos enviaron ás súas espectaculares creacións.

UN PAVO REAL DE UVAS

Cun outonal pavo real, esta semana rematamos as nosas propostas culinarias coas uvas coma protagonistas. A nosa chef Antia xa nos enviou a súa creación. 

Mirade nas imaxes canto traballiño levou e que ben lle saíu.

AS BOLBORETAS DE NOA E ANA

Paseniño o noso blog vaise enchendo de saborosas e nutritivas bolboretas. Hoxe temos as creadas por Ana e Noa. Grazas, familia! Quedaron xeniais!

BOLBORETA DE UVAS

Coa volta á rutina, inauguramos o noso obradoiro de cociña con propostas que teñen as uvas como ingrediente principal. Comezamos cunha divertida bolboreta. 

En clase traballamos ao redor da receita con diferentes graos de implicación dependendo da idade dos meniños.

Os máis pequenos con letras móbiles e os maiores con grafías máis complexas.

Despois en casa podedes elaborar as diferentes receitas e enviarnos as fotos ao correo como fixeron Yaiza e Antía.

Podedes substituír os ingredientes suxeridos por outros que teñades na casa ou facer as vosas propias versións.Grazas a Yaiza e Antía por compartir as súas creacións connosco, quedaron chulísimas!

O ARCO DA VELLA DE ANTÍA E LÚA

Hoxe traemos dúas versións diferentes dunha mesma receita. A proposta era un nutritivo arco da vella de froitas. A nosa cociñeira Antía acadou un resultado espectacular.

 Lúa, ademais dun precioso arco da vella, preparou unhas saudables brochetas cos anacos de froita que lle quedaron. Que boa idea!

UN SOL DE PRIMAVERA

Para elaborar esta sinxela pero deliciosa receita, uníronse dous grandes chefs de Leiro.

O OSIÑO DE NOEL

Nesta ocasión a proposta culinaria era "Un osiño durmindo". O noso cociñeiro Noel meteuse entre fogóns e mirade nas imaxes que ben lle quedou.

AS RECEITAS DE ANA E NOA

As nosas cociñeiras Ana e Noa animáronse a elaborar dúas das propostas primaverais desta tempada.

Comezamos cun día de choiva e seguimos coas imprescindibles flores.

Mirades nas imaxes que nutritivas e lucidas quedan. Animádevos a crear a vosa flor de primavera con outros ingredientes. 

O ACUARIO DO GROVE

 

Cabaliños de mar, moreiras, medusas, tartarugas, peixes pallasos … ata pirañas! Todos estes habitantes do mar puidemos observar na nosa visita ao acuario, enmarcada dentro do Plan Proxecta Aliméntate Ben.

 Acompañados en todo momento polo monitor Borja, descubrimos diversos ecosistemas mariños.

Sen lugar a dubidas, un dos momentos máis especiais da visita, foi a oportunidade de ver de preto as estrelas de mar.

Ademais da visita guiada, participamos no obradoiro “Ollo co que pescas”. A través de xogos, traballamos ao redor do respecto e coidado do mar e os seus hábitats.

A EIRUGA DE BRAIS

A proposta culinaria da fin de semana pasada era unha eiruga.

Con ingredientes do máis saudables, Brais e a súa irmá Lía elaboraron dous pratos espectaculares.