VIVA A MÚSICA!

O pasado 12 de maio tivemos un obradoiro moi especial a cargo da banda de música de Ribadumia. Viñeron a encher a escola de música e ensinarnos divertidos xogos cheos de ritmo.

Tampouco faltaron as cancións e, por suposto, os bailes.

A BANDA DE MÚSICA

 

O venres recibimos unha visita moi especial, dous integrantes da Banda Municipal de Ribadumia viñeron a narrarnos o conto musicado Crebanoces. Grazas Ruth e Alberto por encher a nosa escola de música.

O RENO DE PAPÁ NOEL

Na nosa proposta culinaria desta fin de semana, traemos un reno de Papá Noel. En clase vimos unha receita sinxeliña empregando coma base un sobao, pero no seguinte vídeo tedes outra opción con madalenas.

VIVA A MUSICA!!

 

Dende finais de setembro, os mércores a nosa aula enchese de melodías. Da man da mestra Olalla os meniños aprenden a familiarizarse con diversos instrumentos, bailar, xogar cos sons e o silencio, cantar …  pero sobre todo… a gozar da música!. Para coñecer as actividades que se desenvolven ao longo do curso nas clases de música podedes visitar o seu blog http://musicacraderibadumia.blogspot.com/

LETRAS GALEGAS 2020

A mestra Lupe no seu blog de música invita a toda a comunidade educativa a participar nunha proposta moi especial para conmemorar o Día das Letras Galegas. Disfrazarse, bailar, cantar ... todo vale para realizar un pequeno vídeo que terá de fondo a versións do grupo Astarot do poema de Rosalía de Castro "Adiós ríos, adios fontes". Toda a información aquí. Animádevos a participar, xa veredes que divertido resulta cando Lupe faga a montaxe con todos.

UNHA MAÑÁ DIFERENTE

Onte tivemos unha xornada especial chea de actividades. Con motivo da Semana da Prensa, comezamos coñecendo como se fai, redacta e ilustra unha noticia da man dunha periodista e unha fotógrafa de “La Voz de Galicia”. Se picades na imaxe inferior podedes acceder á noticia na prensa dixital.

Despois, a través do Plan Proxecta Voluntariado miúdo: Móvete no que participa o noso centro, Anxo Moure veu cargado de contos solidarios e fíxonos escachar coa risa na Biblioteca Municipal. Recuperamos fozas cos bocatas e xogamos no parque da Casa da Cultura. E para rematar cantamos e bailamos con Pakolas.

A NOSA PANXOLIÑA

O vindeiro venres 21 celebraremos o noso tradicional festival de Nadal no Auditorio de Ribadumia. Xa vai tempo que comezamos cos preparativos e o “Villancico de las vocales” e título da panxoliña que imos cantar e dramatizar nós. Estes días andamos a ensaiar na escola e, para os que desexen facelo tamén en familia, a continuación vos deixamos o vídeo coa versión karaoke.

PINCELADAS MUSICAIS

Onte, os músicos da Banda de Música Municipal de Ribadumia viñeron a visitarnos. Explicaron o concerto “Pinceladas musicais” que darán este domingo 16 de decembro ás 19:00 horas no Auditorio Municipal. Cunha  fermosa canción tocada co clarinete, describíronnos unha bonita historia que os meniños  representaron nun orixinal cadro cheo de pinceladas musicais. Durante o concerto expoñerán e explicarán este traballo, non volo perdades.

A MESTRA DE MÚSICA

Agora que os novos alumnos xa están adaptados ao ambiente escolar, toca ir coñecendo o traballo que van a desenvolver coas profesoras especialistas. Hoxe presentouse a mestra Olalla e ensinounos algunhas das moitas actividades que van realizar na aula de música. Mirade nas fotos que ben o pasaron.

PREPARANDO O FESTIVAL DE FIN DE CURSO

Dende vai máis dun mes andamos a voltas cos preparativos da nosa festa de fin de curso. Para ese día, como despedida do ano académico, cada clase organiza unha pequena actuación. Coa axuda da mestra Olalla de música escollemos a canción ”Glú, glu, glu navegando polo mar”, adaptámola, realizamos unha coreografía e confeccionamos os nosos disfraces. Para os que queiran ensaiar en casa, a continuación deixamos o vídeo coa música.  

¡FELIZ DÍA DA POESÍA!

Cada 21 de marzo conmemórase o Día da Poesía. Na nosa aula celebrámolo levando para casa un poema de Antonio Rubio que comezaramos a reescribir fai tempo. Trátase do libriño “Zapato” ilustrado por Óscar Villán e musicado por Cristina Martín Sanz.

A TÍA MÓNICA

Nas últimas semanas, a nosa sesión de xogos dedicámola a aprender e bailar a canción de “La tía Mónica” coa versión musical de “Dúo tiempo de Sol”. A continuación deixámosvos o vídeo por se queredes xogar tamén na casa.

MARÍA “LA COCOTERA”

A semana pasada, a nosa sesión semanal de xogos dedicámola a practicar o baile da canción “María la Cocotera”. Aínda que xa a traballaramos o trimestre pasado, non tivemos tempo de aprender ben o baile. A continuación tedes o vídeo por se queredes practicar na casa.

PREPARADADOS PARA O FESTIVAL DE NADAL

Hoxe xa deixamos todo listo para a nosa actuación de mañá. Para os que están maliños e non poden asistir, a continuación lles deixamos a panxoliña para que fagan a súa propia versión en familia.

CARTAS PARA O APALPADOR

O vindeiro xoves celebraremos o noso tradicional festival de Nadal no Auditorio de Ribadumia. No transcurso da mañá realizaremos diversas actividades e recibiremos a visita do Apalpador. Xa temos listas as cartas coas peticións dos nenos para entregarllas ese día, seguro que fará todo o que poida para traer un agasallo que guste a todos.

A BANDA DE MÚSICA MUNICIPAL DE RIBADUMIA

Hoxe tivemos unha visita moi especial. Os músicos da banda municipal viñeron a ensinarnos algúns dos seus instrumentos e a darnos un pequeno concerto.  Escoitamos atentamente como auténticos chicos maiores pero tamén bailamos, cantamos e sobre todo rimos ao son da música. Para os que desexen máis información sobre a súa escola de música, poden visitar a súa web clicando aquí.

O APALPADOR

O Apalpador é un personaxe mítico galego que vive nas devesas do Caurel. Polo Nadal baixa das montañas, entra de noite nos cuartos dos nenos,  pálpalles a barriguiña por ver se están mantidos e déixalle xoguetes de madeira feitos por el mesmo e unha presa de castañas.

Todos os anos na biblioteca os meniños escríbenlle unha carta na que lle piden algún xoguetiño para á escola. El adoita vir a nosa festa de Nadal, recolle as misivas e intenta atender as peticións e deixar os agasallos nas clases durante as vacacións. Non sempre consigue traer todo o que pedimos pero seguro que o intentará.

A BANDA MUNICIPAL DE RIBADUMIA

O venres tivemos unha visita moi especial: A Banda Municipal de Ribadumia. Viñeron a ensinarnos os seus instrumentos e a deleitarnos coas súas cancións. Bailamos, cantamos, rimos e sobre todo divertímonos ao son da música. Graciñas aos seus compoñentes por este bonito agasallo. Se queredes saber máis sobre eles podedes visitar a súa web pinchando aquí.

COMENZAMOS O TERCEIRO TRIMESTRE

Despois das vacacións de Semana Santa, empezamos lembrando algunhas cousiñas que nos quedaran pendentes. Unha delas é o simpático baile canario “La punta y el tacón” que aprendemos coa axuda da mestra Olalla. Neste enlace tedes como o fan os nenos dun colexio de Canarias probade a facelo na casa veredes que divertido.

CALENDARIO ESCOLAR DE GOYA

Cada ano, entre o segundo e o terceiro trimestre, confeccionamos un calendario escolar do vindeiro curso que sirve de lembranza aos que marchan da nosa escola e de guía de lectura aos que quedan.

Nesta ocasión estámolo dedicando ao pintor español Francisco de Goya. Para súa elaboración, eliximos un cadro para cada mes e un libro onde aparece recollida a obra. Comezamos co setembro e, sen lugar a dúbidas, a pintura máis representativa para esta época é “A vendima ou o outono”. A creación na escola deste particular calendario temático, ademais de familiarizar aos nenos co mundo do arte, axúdaos a traballar a serie numérica ata o trinta, os meses do ano e a diferenciar os días laborables dos festivos.

E xa que andamos a falar de outono, aproveitamos para deixarvos “Canción de otoño”, o bonito poema musicado de Juan Ramón Jiménez co que nos despedimos desta estación cando traballamos Andalucía. Esperamos que vos guste tanto coma a nós.