Como todos demostraron a través das fotos que
enviaron á escola e que podedes ver na seguinte presentación, os meniños da
escola de Leiro comen peixe na casa. ¿E vós, sabedes xa o importante que é
incorporar o peixe a vosa alimentación?...Podedes seguir enviando fotografías que en
canto poidamos as engadiremos.
martes, 29 de noviembre de 2016
lunes, 28 de noviembre de 2016
CONCURSO DE POSTAIS DE NADAL
O pasado venres rematou o prazo de presentación
dos traballos para o XIV concurso de postais de Nadal que convoca O Concello de
Ribadumia. Como todos os anos a nosa escola participou na categoría de infantil
para optar ao agasallo que entregarán o día 5 ao remate da Cabalgata de Reis. Primeiro
buscamos inspiración vendo postais,
libros, imaxes e contos que fan alusión ao Nadal. Despois coa axuda da mestra Ana
cada meniño realizou a súa obra. Mirade na seguinte presentación que bonitas
quedaron.
viernes, 25 de noviembre de 2016
PAPÁ NOEL
O Nadal xa chegou ao noso obradoiro de
cociña. Hoxe elaboramos un nutritivo e divertido Papá Noel de froitas. Para a
semana continuaremos coa mesma temática, xa vos contaremos.
jueves, 24 de noviembre de 2016
TOCA, TOCA ...
Suave, áspero, brando, duro, quente, frío, rugoso,
liso … podemos saber moitas cousas dun obxecto sen necesidade de velo,
simplemente baseándonos no noso sentido do tacto. A mestra María preparou unha
caixiña moi especial para experimentar apoiándonos unicamente no que percibimos
coas nosas mans. O luns na biblioteca intentamos
adiviñar que había dentro dela. Unha pedra, unha perruca, un estropallo … Aínda
que ao principio os máis pequenos tiñan medo de introducir a man, pronto colléronlle
gusto ao tema.
martes, 22 de noviembre de 2016
NA HORA DE LER… ¡CONTOS DE NADAL!
O
mes de novembro avanza e chega o momento de comezar cos preparativos do Nadal. Para
quentar motores nada mellor que a nosa bolsiña de ler cargada de contos que
teñen estas festas como protagonista.
domingo, 20 de noviembre de 2016
PARA SABORES… ¡A FROITA!
Como xa vos comentaramos, esta semana
dedicámola ao sentido do gusto. E como
para variedade de sabores naturais nada mellor que a froita, o xoves fixemos a
nosa particular merendola no que este
alimento foi o protagonista. Entre todos reunimos mazás, peras, laranxas,
mandarinas, kiwis, arándonos, framboesas, freixoas, plátanos, uvas, caquis,
pomelo, limóns, limas e fresas. Estivemos observándoas, cheirándoas, vendo como se
chamaban, fixemos un listado no encerado, escribimos etiquetas con cada nome e
realizamos unha pequena exposición. Á hora da merenda chegou o momento de
degustalas. Probámolas todas. As favoritas as framboesas e os kiwis, as que menos
éxito tiveron as freixoas e os caquis.
viernes, 18 de noviembre de 2016
martes, 15 de noviembre de 2016
ALETAS DE TIBURÓN
Dende principio de curso
foron varias as noticias dos xornais que chamaron a nosa atención. Pero sen lugar a dúbidas a que máis interese
espertou entre os meniños foi a que tiña como protagonista ós tiburóns. Esta nova ademais de interesarnos polo problema do consumo indiscriminado das aletas de quenlla, serviunos de detonante para ir á biblioteca a buscar
información sobre estes impresionantes animais e observar detidamente os que Pablo trouxo para compartir connosco.
lunes, 14 de noviembre de 2016
CON MOITO GUSTO
Na nosa escola
continuamos mergullándonos no mundo dos sentidos. Esta semana vai estar
dedicada ao gusto. Doce, amargo, salgado e ácido, estes son os sabores que
percibimos a través da lingua e que hoxe estivemos identificando a través de
diversos alimentos.
domingo, 13 de noviembre de 2016
viernes, 11 de noviembre de 2016
CARREIRAS DE VASOIRAS
Sen lugar
a dubidas as malvadas máis coñecidas dos contos son as bruxas. Nós aproveitamos
as súas vasoiras para a nosa sesión semanal de enredos e xogos.
jueves, 10 de noviembre de 2016
GÚSTAME CANDO MIÑA CASA CHEIRA A…
Xa sabemos que hai olores para todos os gustos. Agora trátase
de escoller ese aroma que preferimos atopar
cando chegamos a casa. Para a mestra Ana é o aroma que desprende o pan acabado
de facer. Para Ángeles o do sol cando entra polas fiestras abertas. O mestre Alejandro
opta pola menta e Marina polo limón. Hoxe os meniños levaron unha folla para cubrir
e ilustrar con cadansúa elección, seguro que nos divertimos e enriquecemos
expoñendo os traballos e vendo os dos compañeiros.
miércoles, 9 de noviembre de 2016
COLGANTES AROMÁTICOS
Coa mestra Ana na aula de natureza os meniños estiveron descubrindo o cheiro dalgunhas das
plantas do xardín da escola. Coas sementes de eucalipto continuamos traballando
o sentido do olfacto e creamos colgantes aromáticos para todos.
martes, 8 de noviembre de 2016
PARA GUSTOS... OLORES
Onte cheiramos e
identificamos varios alimentos: pementa, cebola, laranxa, limón, vinagre e
chourizo. Hoxe os clasificamos baseándonos en se nos gustaba ou non o aroma que
desprendían. Descubrimos que cada persoa ten o seu propio criterio e non sempre
valoramos igual.
lunes, 7 de noviembre de 2016
A CIENCIA COS CINCO SENTIDOS
Co obxectivo de contribuír á divulgación científica en
galego, en toda a comunidade autónoma novembro é considerado o mes das ciencias nas bibliotecas. Este curso a nosa escola únese a esta iniciativa traballando e
experimentando a través dos cinco sentidos. Cada semana estará dedicada a un
deles e realizaremos diversos experimentos e actividades. Hoxe a inauguramos
mergullándonos no sentido do olfacto a través dos cheiros de diversos alimentos.
Foi divertido intentar adiviñar baseándonos soamente no seu olor. Descubrimos
que o mal cheiro é o aviso da natureza para no comer algo que podería facernos
dano e comprobamos que os olores afectan ao sentido do gusto.
viernes, 4 de noviembre de 2016
MINIPIZZAS MARIÑEIRAS
Graciñas ao programa “O sabor da aventura está no mar” e os seus protagonistas “Os Arroaces”, na aula estamos descubrindo as múltiples
avantaxes do consumo de produtos do mar. Pouco a pouco van chegando á escola as
fotografías coas que os meniños demostran que comen peixe na casa e coas que
imos facer unha exposición e varias actividades. Ao noso obradoiro de cociña
tamén chegaron estes nutritivos alimentos para elaborar minipizzas mariñeiras.
jueves, 3 de noviembre de 2016
XOGANDO CON CAROZOS
Esta
semana os carozos que sobraron do Magosto do venres foron os protagonistas dos
enredos de onte. Comezamos construíndo a torre do conto de Rampunzel e
rematamos xogando a encestar para recollelos.
Suscribirse a:
Entradas (Atom)