FELIZ DÍA PAZ!

OS ÓSOS PREHISTÓRICOS DE ANTIA E NOEL

 

Esta fin de semana os fornos das familias de Antía e Noel traballaron intensamente.

Ambas elaboraron uns ósos prehistóricos xeniais.

Primeiro prepararon a masa. 

Despois tiveron que darlle a forma adecuada.

Para seguidamente engadirlle os seus ingredientes favoritos.

E ao final vén o mellor…

E agora a receita para os que se animen a probar.

AS MANS PREHISTÓRICAS DE NOEL

 

Xa temos as fotos das mans prehistóricas elaboradas polo noso cociñeiro Noel.

Meteu de cheo as mans na masa para elaborar esta saborosa receita.

O esforzo tivo a súa recompensa con este espectacular resultado.

 Animádevos a probar!

PEDRAS PARA A PAZ

O vindeiro luns, celébrase o Día Escolar da Non Violencia e a Paz. Este ano imos unirnos á conmemoración cunhas pedriñas moi especiais que andamos a decorar coa axuda da mestra Olalla e Ana.

Cada pedra, “soporte das primeiras manifestacións artísticas da humanidade”,  leva escrito unha mensaxe de paz. Con todas as do alumnado da escola, baseándonos na idea do Proxecto Pegada, realizaremos unha composición.

AS MANS E OS ÓSOS PREHISTÓRICOS DE NOA

 

A nosa cociñeira Noa tivo hoxe unha xornada intensa entre fogóns.

Mirades nas imaxes canto traballiño levou elaborando as dúas receitas á vez.

Pero o resultado foi espectacular.

Que rico!

CALENDARIO COMPETENCIAL 2023

O luns levamos para casa o calendario competencial do 2023 con situacións de aprendizaxe. Trátase dun almanaque especial no que cada día inclúe propostas como procuras de tesouros, cine en familia, lecturas,  actividades para realizar en inglés, música ou pautas de respiración para a mellora da fala.

Tamén podedes aproveitar este almanaque para que os meniños marquen o día como facemos na aula. Poden ir tachando os números que pasan e rodeando o actual, contar para intentar adiviñar o nome do díxito sinalado, o do mes e o do día da semana …

Outra idea interesante é sinalar acontecementos especiais dos vindeiros meses: aniversarios, comezo da primavera, festas … Se vos apetece tamén podedes enviar fotos do sitio escollido para colocalo ou das actividades que realicedes en familia seguindo as súas suxestións.

AS MANS PREHISTÓRICAS DE AARÓN E LÚA

 

O noso cociñeiro Aarón meteu de cheo as mans na masa para elaborar unhas mans prehistóricas espectaculares.

Metidiñas no forno parecen iguais ás do noso amigo Croniñón.

Levou moito traballiño pero mirade que ben lle quedaron.

A nosa cociñeira Lúa tamén elaborou a receita coma unha autentica chef.

Paseniño foi colocando todos os ingredientes.

Ata quedar listas para comer. Que ricas!

FELICIDADES NOA!

 

O pasado sábado, Noa cumpriu 6 anos. Xa é tan maior que necesitamos dúas tortas para que colleran todas as velas! Parabéns Noa!

MANS PREHISTÓRICAS

Continuamos coa temática da prehistoria nas nosas propostas culinarias para a fin de semana.

O noso chef Brais e a súa irmá Lía foron os primeiros en animarse a elaborar unhas espectaculares mans prehistóricas.

Mirade nas imaxes de todo o proceso, que boa idea tiveron para facer as uñas!

 Que rico e divertido!

XOGANDO CO DADO

 

Hoxe empregamos o dado para traballar a serie numérica, o conteo e as grafías. Tiñamos que lanzar o dado, anotar o nome do xogador e o resultado obtido.

 Despois, comparamos as cantidades acadadas por todos os xogadores e escribimos o nome de quen obtivo a puntuación máis alta. 

 Podedes probar a xogar tamén na casa.

PARA MERENDAR… UN MAMUT!

A prehistoria chegou as nosas propostas culinarias da fin de semana cunha divertida receita: un mamut. A nosa cociñeira Noa xa fixo a súa propia versión empregando tortiñas cama base. Mirade que chuliño lle quedou.

 

EL MAMUT CHIQUITITO

Como nos gusta a canción e o baile que nos ensinou a mestra Marta de Ribadumia!

 

Ademais de aprender a letra e o baile, descubrimos como debuxar un mamut a partir da contorna da nosa man.

CRONIÑÓN

Comezamos o segundo semestre mergullándonos na prehistoria da man de Croniñón.