Como remate final ao proxecto que desenvolvemos este
curso ao redor da prehistoria, visitamos o Parque Arqueolóxico da Arte
Rupestre de Campo Lameiro.
Nunha visita guiada, descubrimos os petróglifos, percorremos o poboado da Idade de Bronce e, por suposto, vimos a exposición.
Todo isto
acompañados da monitora Carla e as súas explicacións.
Despois de repoñer forzas coa merenda, realizamos un
obradoiro onde aprendemos como moían o millo miúdo na antigüidade e sementamos
fabas.
Este curso por fin puidemos volver a celebrar o Carnaval xuntándonos todas as aulas do colexio. O Xurásico e a prehistoria foron os temas centrais dos disfraces de grandes e pequenos.
As familias prepararon uns traxes espectaculares e a ANPA
varios decorados impresionantes.
A primeira hora da mañá o Maggo Deimi fíxonos rir e deixounos
abraiados coa súa maxia.
Despois chegaron o baile de Entroido e os xogos.
Repuxemos forzas cunha rica merendola e saímos a realizar
o desfile pola contorna.
O broche final púxoo a mestra Olalla de musica coa bonita
actuación dos meniños a ritmo de bailes que tiñan a prehistoria como eixo central.
Como nos gustou este contiño que limos fai unhas semanas na biblioteca!
Tanto que decidimos crear un cavernícola coma o protagonista. Xa vos ensinaremos o resultado cando o rematemos.
Xa temos máis fotos deses saborosos ósos e mans prehistóricos.
As nosas cociñeiras levaron moito traballiño.
Amasando, recortando e dando forma.
Pero o resultado foi espectacular.
O noso chef Brais tamén elaborou uns impresionantes ósos
prehistóricos coa inestimable colaboración da súa axudante de cociña Lía.
Que rico!
Esta fin de semana os fornos das familias de Antía e Noel
traballaron intensamente.
Ambas elaboraron uns ósos prehistóricos xeniais.
Primeiro prepararon a masa.
Despois tiveron que darlle a forma adecuada.
Para seguidamente engadirlle os seus ingredientes
favoritos.
E ao final vén o mellor…
E agora a receita para os que se animen a probar.
Xa temos as fotos das mans
prehistóricas elaboradas polo noso cociñeiro Noel.
Meteu de cheo as mans na masa para elaborar esta saborosa receita.
O esforzo tivo a súa recompensa con este espectacular resultado.
O vindeiro luns, celébrase o Día
Escolar da Non Violencia e a Paz. Este ano imos unirnos á conmemoración
cunhas pedriñas moi especiais que andamos a decorar coa axuda da mestra Olalla
e Ana.
Cada pedra, “soporte das primeiras manifestacións
artísticas da humanidade”, leva escrito
unha mensaxe de paz. Con todas as do alumnado da escola, baseándonos na idea do
Proxecto Pegada,
realizaremos unha composición.
A nosa cociñeira Noa tivo hoxe unha xornada intensa entre
fogóns.
Mirades nas imaxes canto traballiño levou elaborando as dúas receitas á vez.
Pero o resultado foi espectacular.
Que rico!
