domingo, 20 de enero de 2019

O SABOR DA AVENTURA ESTÁ NO MAR

Un ano máis, a nosa escola participa no programa “O Sabor da Aventura está no Mar” para potenciar entre os meniños unha alimentación saudable. Antes de vacacións, levaron para casa as seguintes notas que xa están chegando ao colexio cubertas.


Paseniño iremos realizando actividades con elas, pero xa comprobamos nas fotos que temos a escola chea de auténticos chef en potencia. Os que aínda non se animaron a participar aínda están a tempo de achegarnos as súas propostas. Moitas grazas a todas as familias pola súa colaboración e axuda.

viernes, 11 de enero de 2019

O BARCO PIRATA

Coa axuda da mestra Olalla de música, xa temos montado o barco pirata do Apalpador. Puxémolo nun recuncho coa casiña e o castelo que nos trouxera en anos anteriores. Mirade como nos gusta xogar co el.

miércoles, 9 de enero de 2019

OS REGALOS DO APALPADOR


No festival de Nadal entregamos ao Apalpador as cartas dos meniños  co listado das cousiñas que nos gustaría que trouxera á escola para compartir. Hoxe, mestres buscábamos o calendario do 2019, atopamos os agasallos. Deixounos dous quebracabezas e un barco pirata que temos que montar, pero xa enredamos cos monecos.

miércoles, 19 de diciembre de 2018

CARTAS PARA O APALPADOR

Cando se achega o Nadal, O Apalpador baixa das montañas do Courel cunha morea de agasallos de madeira para repartir entre os meniños galegos. Dende vai varios anos, sempre ven ao festival de Nadal a recoller as cartas coas nosas peticións para as aulas. A semana pasada xa estivemos consultando diversos catálogos e todos escribiron as misivas. Durante as vacacións intentará traernos á escola algo do que pedimos para compartir. Para os que desexen saber máis sobre este persoeiro, neste enlace tedes cancións  e algunhas actividades.

domingo, 16 de diciembre de 2018

A NOSA PANXOLIÑA

O vindeiro venres 21 celebraremos o noso tradicional festival de Nadal no Auditorio de Ribadumia. Xa vai tempo que comezamos cos preparativos e o “Villancico de las vocales” e título da panxoliña que imos cantar e dramatizar nós. Estes días andamos a ensaiar na escola e, para os que desexen facelo tamén en familia, a continuación vos deixamos o vídeo coa versión karaoke.