miércoles, 26 de abril de 2017

MAIOS 2017

Este ano o noso Maio veu cargado de flores pero tamén de música. As familias, os nenos e os mestres cantamos, bailamos e xogamos ao ritmo dos gaiteiros. Mirade nas fotos que ben o pasamos dándolle a benvida á primavera. E neste enlace e aquí, tedes as fotos que publicou La Voz de Galicia na súa versión dixital con vídeo incluído.

sábado, 22 de abril de 2017

PREPARANDO A FESTA DOS MAIOS

Para darlle a benvida á primavera, cada ano celebramos na nosa escola a festa dos Maios. Trátase dunha construción feita de canas que revestimos de fiuncho e decoramos con flores. Esta semana estivemos lembrando como se realiza, aprendendo os nomes das plantas que empregamos e, sobre todo, ensaiando as coplas para cantar ao seu redor. Non vos esquezades mañá á tardiña de apañar fiuncho e flores para que o luns teñamos material de abondo para facelo.

lunes, 27 de marzo de 2017

A POLILLA GUATEMALTECA


Nas últimas semanas, na escola volvemos a recibir o xornal e con el recuperamos a nosa sesión semanal dedicada a traballar coa prensa. En La Voz de Galicia descubrimos un pequeno insecto que está facendo estragos en diferentes zonas do país. Nun vídeo no encerado dixital vimos como a avelaíña guatemalteca estraga as patacas, o seu proceso de crecemento e as medidas que os agricultores están a tomar para evitar a súa expansión. Seguiremos atentos as novas do periódico e esperamos que  consigan controlala.