Este curso por fin puidemos volver a celebrar a chegada do Nadal xuntándonos cos nenos de todas as aulas e as familias.
Tivemos unha maña
repleta de actividades: contacontos, badaladas, merendola, visita do Apalpador
e as espectaculares actuacións das aulas baixo a dirección da mestra Olalla de
música. Grazas a todas as persoas que colaboraron na organización da festa.
A continuación vos deixamos con moito agarimo o divertido
vídeo en lingua de signos que editou a mestra Malú.
Os cociñeiros e cociñeiras de Leiro elaboraron uns renos de arroz espectaculares.
Arroz, olivas, salchichas, un pouco de tomate e listo
para comer.
Antía optou por substituír as olivas e o tomate por
salchichas.
Aínda que as previsións anunciaban auga, na nosa saída a
Portonovo dentro do Plan Proxecta Aliméntate Ben, gozamos dun tempo estupendo.
Tras a viaxe en bus que sempre esperta a ilusión nos cativos, chegamos á lonxa
onde nos explicaron o proceso de comercialización do peixe e o etiquetado.
Despois visitamos o porto e amosáronnos as principais
actividades pesqueiras e os aparellos que se empregan para capturar o peixe.
Na nave de redeiras coñecemos de primeira man o oficio de
reparación e armado de redes.
Ao rematar, fomos á praza de abastos a ver a gran
variedade de produtos pesqueiros e marisqueiros que se poñen a disposición do
consumidor.
Ademais da súa amabilidade ao amosarnos os pescados e
explicarnos as súas características, déronnos unha chea de agasallos para levar.
Por último, chegou o momento de coñecer os alimentos do
mar dende o punto de vista gastronómico. Puidemos degustar unha merenda
mariñeira e levar nunha bolsiña as preparacións que nos sobraron.
A nosa cociñeira Noa tamén elaborou a piruleta de Papá Noel. Mirade nas
imaxes que ben lle quedou axudándose dun
escarvadentes para facer a barba.
O pasado día 3, celebrouse
o Día Internacional das Persoas con
Discapacidade. Un ano máis a nosa escola uniuse á
iniciativa “Baixo o mesmo paraugas” para dar visibilidade a unha sociedade que
acolle a todos os seus integrantes xeito igualitario, sen diferenzas, cun mesmo
desexo de convivencia.
A nosa cociñeira Lúa xa elaborou a piruleta de Papá Noel que propuxemos a
semana pasada. Mirade na imaxe que nos enviou que divertida lle quedou.
Para cada acción que implica violencia e nos fai sentir
mal, abrimos unha porta a un acto que nos acouga e reconforta. Entre todos
pensamos palabras que nos espertan emocións desagradables e outras cheas de
empatía.
Por unha educación baseada no respecto, a tolerancia e a
consideración mutua.
E chegou o momento de encher de árbores de Nadal as nosas propostas culinarias da fin de semana. Nesta ocasión propuxemos empregar
mandarina coma ingrediente principal.
O noso chef Brais, usou plátano para o tronco e arándanos e fideos de colores para decorar.
Coma outras veces, contou coa inestimable axuda da súa
irmá Lía.
E despois de cociñar, nada mellor que gozar saboreando a creación.
A nosa cociñeira Noa optou por boliñas de chocolate na decoración da árbore.
Tres versións diferentes e todas boísimas!
