Xa temos as fotos das creacións das nosas cociñeiras Ana
e Noa. Mirade nas imaxes que ben lle quedaron estas receitas de inverno.
Cada 20 de xaneiro conmemórase o Día de Concienciación
polos pingüíns,para unirnos a esta celebración, levamos estes animaliños ás
nosas propostas culinarias da fin e semana con esta divertida receita.
O noso cociñeiro Noel xa nos enviou a súa creación. Mirade
nas imaxes que chuliño lle quedou.
Para celebrar o Día do Pingüín tamén dende casa, o venres propuxemos elaborar unha divertida receita empregando un ovo duro como ingrediente principal.
Para promover a protección e coidado dos pingüíns, cada 20 de xaneiro conmemórase o Dia da Concienciación por estes animaliños. Na aula tamén nos unimos a esta celebración con diversas actividades.
Cada día, normalmente á volta do recreo, chega a hora de ler. Para ese momento temos unha bolsiña cargada de libros que imos cambiando. A diario, o encargado escolle entre eles cal lemos. Esta semana veu chea de libros de pingüíns. Paseniño imos lendo e aprendendo unha chea de cousas sobre eles.
Despois de toda a semana a voltas cos pingüíns, chegou o momento de levalos tamén ao noso obradoiro de cociña da fin de semana. Coma sempre, propoñemos unha receita sinxeliña con ovo cocido, pero nos seguintes vídeos tedes outras opcións con olivas negras e con plátanos. E por suposto, podedes deixar voar a imaxinación e crear as vosas propias receitas. Animádevos a cociñar cos meniños e mandarnos as fotos.
Á maioría dos meniños da aula aínda lles custa aclararse cos conceptos dereita e esquerda. Hoxe con este divertido baile que vimos na aula de Ribadumia b, estivemos traballando estas nocións. Preparados para practicar tamén na casa?
Hoxe conmemorase o Día da concienciación polos pingüíns. O obxectivo desta celebración é promover a protección e coidado destes animaliños.
