As nosas cociñeiras Ana e Noa animáronse a elaborar dúas
das propostas primaverais desta tempada.
Comezamos cun día de choiva e seguimos coas
imprescindibles flores.
Mirades nas imaxes que nutritivas e lucidas quedan. Animádevos
a crear a vosa flor de primavera con outros ingredientes.
Para darlle a benvida a primavera, cada curso realizamos un maio. Trátase dunha construción feita con paus e cuberta con fiúncho, flores e outros adornos ao redor da que cantamos coplas a ritmo de claves.
Este ano, grazas ao ANPA da escola, volveron a acompañarnos os gaiteiros.
Coa creatividade que caracteriza á mestra Olalla, convertemos
uns simples tubos de papel hixiénico en divertidos coelliños de Pascua.
Achéganse as vacacións de Semana Santa e con ela chegan as
roscas, os coelliños de Pascua e os ovos de chocolate. Dende as nosas propostas
culinarias da fin de semana, propuxemos elaborar un coelliño de Pascua empregando
saborosas froitas. O noso chef Noel animouse a cociñalo e mirade nas imaxes que
ben lle quedou.
Nese enlace tedes outras saborosas receitas alternativas e igualmente divertidas.
Para darlle a benvida a primavera, fai unhas semanas propuxemos
elaborar unhas nutritivas e saudables flores de froitas. O noso cociñeiro Noel
animouse a realizalas. Mirade nas imaxes que chuliñas lle quedaron.
