A ARAÑA PEQUENIÑA

Como nos gusta esta canción! E se a acompañamos das arañas que realizamos con tubos de papel, moitísimo máis.

A PIZZA TELARAÑA DE ANTÍA

Xa temos a creación da nosa cociñeira Antía. Mirade que boa pinta ten a súa pizza con araña xigante incluída!

A PIZZA TELARAÑA DE BRAIS

E despedímonos do Samaín cunha saborosa pizza telaraña. O noso chef Brais xa a cociñou elaborando ata a masa. Está feito un cociñeiro espectacular. 

AS RECEITAS DE MEDO DE NOEL

Araña, pantasma bruxa … Noel está feito un cociñeiro de medo. Mirade nas imaxes que espectaculares e divertidas lle quedaron todas as propostas. Grazas familia por compartir connosco as vosas creacións.

AS ARAÑAS DE NOA E ANA

 

Xa nos chegaron ao correo as fotos das arañas elaboradas por Noa e Ana. Mirade que chuliñas lle quedaron. Grazas familia por compartir as imaxes connosco de todo o proceso.

PARA MERENDAR… ARAÑAS!!

Como vos comentabamos na entrada anterior, esta fin de semana propoñemos cociñar arañas. Coma outras veces, optamos por unha receita sinxeliña pero no seguinte vídeo tedes como facer pizzas e ovos de arañas.

Pero se preferides os sabores doces, neste enlace accederedes a como facelas con galletas. E por último, para os amantes da froita e as receitas saudables, facendo clic aquí tedes unha saborosa araña de mandarina. Xa sabedes, que podedes mandarnos as vosas creacións a escoladeleiro@gmail.com

ARACNOFOBIA

A través do contiño “O gran libro dos medos do rato pequeno” descubrimos que todo o mundo lle ten medo a algo. Ás alturas, aos monstros, a caer polo desaugadoiro, á escuridade … expresalos axuda a afrontalos e iso foi o que fixemos a semana pasada. Cada meniño falou dos seus. No seguinte vídeo vimos que o temor ás arañas é un dos máis frecuentes pero tamén nos mostrou por que as arañas son tan especiais. 

AS ARAÑAS DE PEPA PIG

Onte, cos seguintes vídeos de Pepa Pig, os meniños, ademais de divertirse véndoos, aprenderon a debuxar arañeiras. 

 

INSECTOS OU ARÁCNIDOS?

Dende que varios picudos vermellos entraron pola fiestra da escola, andamos a investigar e aprender cousiñas destes insectos. Esta semana estivemos a ver as partes do seu corpo e a comparalo coas arañas. Mirade nas fotos o que descubrimos.

TASMA EL FANTASMA

Paseniño imos lendo e traballando ao redor dos libros recollidos na guía de lectura: Quen lle ten medo ás arañas?. Esta semana tocoulle quenda a “Tasma el fantasma. La princesa de los juguetes". Ao pantasma protagonista do conto danlle medo as arañas do faiado, ata que a princesa dos xoguetes lle ensina a facer unha chea de cousas coas arañeiras.

Nós tamén quixemos xogar con elas. Como non temos, empregamos cordas e un chico de imaxinación. Coa axuda da mestra Malú, os meniños  saltaron á corda, convertemos unha pedra en cama elástica, e ata fixemos ioiós.

A ARAÑA PEQUENIÑA

Como nos gusta a todos esta pegadiza canción. Se enriba lle engadimos a mensaxe que transmite de superación persoal, a combinación é perfecta. A semana pasada, demais de traballar ao redor da letra da canción, no patio xogamos a converternos por uns intres na araña pequeniña e tentamos trepar pola barra. É difícil, pero mirade que ben o fan os maiores.

FELIZ DÍA DA BIBLIOTECA

 Cada 24 de outubro celébrase o día das bibliotecas co obxectivo de dar a coñecer o labor que desempeñan. Este ano o seu lema “Bibliotecas, sempre ao teu carón”  céntrase en destacar o importante papel que xogan ofrecendo acceso á cultura, ao coñecemento e ao entretemento en calquera lugar e circunstancia.

Na nosa escola tamén nos unimos a esta conmemoración editando a seguinte guía de lectura.

CURIOSIDADES DAS ARAÑAS

 

LIBROS DE ARAÑAS

 

No recuncho que nos preparou Zapatocas na bibliotecas temos moitos libros que tratan de arañas. O luns, na nosa visita semanal á biblioteca, estivemos véndoos e reflexionado cos meniños sobre o seu contido. Algúns son contos, cos que nos divertimos e teñen unha pegatina amarela e o número 8. Pero outros, son libros de consulta que serven ademais para buscar información. Nestes últimos, a cor da súa pegatina é verde porque tratan da natureza e o número 59 porque falan de animais.

A BRUXA E A ARAÑA DE ERIK

Mirade as divertidas versións de araña e bruxa que cociñou Erik na súa casa. Está feito un auténtico chef.

UN ELEFANTE SE BALANCEABA…

Seguro que todos coñecedes esta pegadiza canción. Estes días que andamos a voltas coas arañas, empregámola para traballar a numeración, pero sobre todo, para divertirnos. No parque infantil no que agora facemos o recreo, temos unha gran tea de araña. Ao ritmo da canción os meniños tamén foron converténdose en elefantes que se balanceaban. Que ben o pasaron!

A ARAÑA DE MARTA

Xa chegou ao correo a creación doutra das nosas chefs de Leiro. Nesta ocasión é Marta a que amosa a súa saborosa creación. Que ricas están as arañas para merendar!