DÍA DA ILUSTRACIÓN

Para conmemorar o Día da ilustración, onte levamos para casa unha guía de lectura que recompila os contiños que temos na biblioteca de Gómez. Paseniño na aula estamos lendo todos e facendo actividades ao seu redor.

FELIZ DÍA DAS BIBLIOTECAS!

 

Cada 24 de outubro celébrase o Día das Bibliotecas co fin de concienciar á sociedade da importancia da lectura e para agradecer o labor dos bibliotecarios. Para conmemoralo, dende a biblioteca escolar editouse a seguinte guía de lectura onde os dinosauros son os protagonistas.

FELIZ DÍA DO LIBRO!

 

Para celebrar un día tan especial, onte a ANPA da nosa escola repartiu entre todo alumnado do centro minilibros de Kalandraka. Son contos de pequeno tamaño pero cun contido e unha forma moi coidada. Ideais para levar de viaxe.

Dende a biblioteca escolar tamén quixemos conmemorar esta data tan especial editando a seguinte guía de lectura en formato dixital. 

DÍA DA ILUSTRACIÓN

POR UN NADAL INCLUSIVO

Zapatocas xa nos fixo chegar a última guía de lectura con todas as novidades que se mercaron dende a biblioteca escolar relacionadas coa inclusión. Preparados para gozar con elas?

FELIZ DÍA DAS BIBLIOTECAS

Para concienciar da importancia do seu papel na sociedade, cada 24 de outubro celébrase o Día da Biblioteca. Dende a nosa escola tamén nos unimos a esta conmemoración editando a seguinte guía de lectura dedicada ás pantasmas. Todos estes libros están a vosa disposición na nosa biblioteca escolar.

DÍA DA ILUSTRACIÓN

 Como xa os comentaramos nunha entrada anterior, hoxe celébrase o Día da ilustración. A nosa escola únese a esta celebración editando a seguinte guía de lectura dedicada a Eric Carle, ilustrador ao redor do que estamos traballando este trimestre.

GUÍA LECTURAS NADAL

 

FELIZ DÍA DA BIBLIOTECA

 Cada 24 de outubro celébrase o día das bibliotecas co obxectivo de dar a coñecer o labor que desempeñan. Este ano o seu lema “Bibliotecas, sempre ao teu carón”  céntrase en destacar o importante papel que xogan ofrecendo acceso á cultura, ao coñecemento e ao entretemento en calquera lugar e circunstancia.

Na nosa escola tamén nos unimos a esta conmemoración editando a seguinte guía de lectura.

GUÍA DE LECTURAS DE JOAN MIRÓ

Debido á suspensión das clases, non puidemos continuar co noso tradicional calendario escolar que este curso dedicabamos a Joan Miró. Pero non queríamos renunciar tamén á recompilación de libros que normalmente facemos nel. Por este motivos editamos a seguinte guía de lecturas na que recollemos todos eses exemplares cos que traballamos pero dun xeito diferente. Esperamos que pronto a nosa biblioteca escolar volva a abrir as súas portas para que todos continuemos gozando deles.

GUÍA DE LECTURAS DO UNIVERSO

Remata abril, o mes dos libros, e a Zapatocas pareceulle unha boa idea despedirse del editando unha guía con algúns deses libriños do Universo cos que traballamos durante o curso. Esperamos que pronto poidamos volver a abrir a biblioteca escolar e levalos para casa.

QUE VÉN O LOBO!

Co gallo da pasada festa do Samaín, e a partir da lectura do conto “O home lobo”, mergullámonos de cheo nos contos que teñen a estes seres coma protagonista e aos medos relacionados con eles e a lúa. Dende a biblioteca escolar fixemos unha recompilación con todos e elaboramos a seguinte guía de lecturas. Cando rematemos de traballar con ela en formato papel levarémola para casa.

¡FELIZ DÍA DO LIBRO!

Para conmemorar o Día do Libro, hoxe os meniños levaron para casa a guía de lecturas do circo que editamos dende a biblioteca escolar e ao redor da que estivemos traballando este mes.

¡FELIZ DÍA DA BIBLIOTECA!

Hoxe conmemórase o Día da Biblioteca e son múltiples as actividades que se organizan nos centros educativos para celebralo. Na nosa escola, como andamos a voltas cos medos, decidimos facelo editando unha guía de lectura para valentes que hoxe publicamos en formato dixital. Nos vindeiros días, cando leamos todos eses contos e rematemos de traballar con ela na aula, os nenos levarana para casa en formato papel. Lembrade que despois quedan os libros a vosa disposición na biblioteca escolar.

DÍA DA ILUSTRACIÓN

Como xa vos comentaramos nunha entrada anterior, cada 30 de xaneiro, en memoria do nacemento de Castelao e para salientar o papel dos ilustradores, celebrase o día da ilustración. Desde a biblioteca escolar quixemos conmemóralo editando unha guía de lectura dedicada Óscar Villán. 

Nela aparecen recollidos os libros ao redor dos que andamos a traballar na aula e que temos na nosa biblioteca escolar.

¡FELIZ DÍA DAS BIBLIOTECAS!

Como xa sabedes, nas aulas andamos a traballar ao redor da mitoloxía. Para apoiar as diferentes actividades, na biblioteca escolar creamos un recuncho con todos os fondos relacionados co tema e, para conmemorar o día das bibliotecas, editamos a seguinte guía de lecturas para dalos a coñecer entre as familias.

Onte os meniños levárona para casa en formato papel pero previamente vimos os libros que contiña, falamos dos que xa leramos e miramos os novos. Cada cativo xa vai tendo os seus favoritos, cando acabemos de traballar con eles poderán levalos para casa.

NA HORA DE LER…O MUNDO QUE QUEREMOS

Como todos sabedes, este ano as actividades do Salón do Libro de Pontevedra xiraron ao redor de “O mundo que queremos”. Dende a biblioteca escolar, para conmemorar o Día do Libro, editouse unha guía de lectura baixo este lema e hoxe levamola para casa. Na clase aproveitamos esta selección para reflexionar á hora de ler sobre os temas neles tratados. Esperamos que no fogar gocedes tanto coma nós coa súa lectura.

NA HORA DE LER… ¡SENTIMENTOS!

A maioría dos cativos saben recoñecer cando están contentos, tristes ou enfurruñados, pero o abano de emocións que podemos sentir é inmenso. Poñer nomes aos nosos sentimentos e aprender a xestionalos non é tarefa doada. Co obxectivo de ir aprendendo a identificar as nosas emocións e baseándonos na guía da biblioteca escolar “Emociónate no Nadal”, a nosa bolsiña de libros para a hora de ler veu onte cargada de contos que poden axudarnos a conseguilo. A semana pasada rematamos de “ler matemáticas” e onte xa comezamos a “ler emocións”. Para os que desexen mergullase connosco no mundo dos sentimentos, a continuación deixamos un bonito vídeo sobre o libro “El monstruo de colores”.

GUÍA DE LECTURAS DA SELVA

Como xa sabedes pola carta que nos enviou, a nosa mascota viaxeira chegou a Australia. Na escola pronto comezaremos a investigar sobre este país e, para facer sitio a este novo proxecto, onte estivemos desmontando o noso recuncho de “A Selva Amazónica” e levando para casa os materiais que compartimos cos nosos compañeiros. Pero non podíamos dar por rematado o noso traballo ao redor desta rexión de América do Sur, sen facer unha pequena recompilación dos materias nos que nos baseamos. 

Nesta guía de lectura tedes unha mostra da bibliografía que podedes atopar na biblioteca escolar, os nenos xa estiveron decidindo cal queren levar prestado para casa o luns na nosa visita semanal.