CALENDARIO ESCOLAR SABOROSO 2014/15

Despois de case dous trimestres traballando ao redor del, a semana pasada por fin rematamos o noso calendario dedicado á gastronomía. Con cada mes recomendamos un libro de cociña para nenos e unha receita na que os cativos poderán facer de cociñeiros para a familia.

UN CALENDARIO PARA COCIÑAR…

Este vai ser o título do calendario escolar 2014 – 2015 que estamos preparando dende vai un par de semanas. Con cada mes traballaremos ao redor dun libro de cociña para nenos e recomendaremos unha receita. Coma outros anos, mentres o elaboramos, intentaremos aprender a escribir a serie numérica ata o 31, memorizar os nomes dos meses, diferenciar os días laborables dos festivos…  pero sobre todo gozar co mundo da gastronomía con motivo do XV Salón do Libro Infantil e Xuvenil de Pontevedra.