Grazas a mamá de Noel e á Escola de Enxeñaría Forestal
Universidade de Vigo, puidemos coñecer o traballo desenvolvido pola Comunidade
de Montes Veciñais en Man Común de Baroña.
Vimos como utilizan parcelas do monte para cultivar
froitos do bosque e cogomelos, pero tamén para a produción de mel e a cría de
cabalos e ovellas. Ademais aprendemos como plantar e a importancia que teñen as
árbores nos ecosistemas.
Tras recuperar forzas cuns saborosos bocatas, volvemos
para casa cunha chea de agasallos. Grazas Xana!
O xoves pasado realizamos a primeira saída do curso para ir á fabrica Clesa.
Durante a visita, observamos a maquinaria e explicáronnos como o leite
se transforma en iogures e sobremesas.
Realizamos degustacións de algúns dos produtos que elaboran.
Finalizamos a visita transformándonos en expertos chefs e
elaboramos unha receita personalizada a base de iogur grego.
Como remate final ao proxecto que desenvolvemos este
curso ao redor da prehistoria, visitamos o Parque Arqueolóxico da Arte
Rupestre de Campo Lameiro.
Nunha visita guiada, descubrimos os petróglifos, percorremos o poboado da Idade de Bronce e, por suposto, vimos a exposición.
Todo isto
acompañados da monitora Carla e as súas explicacións.
Despois de repoñer forzas coa merenda, realizamos un
obradoiro onde aprendemos como moían o millo miúdo na antigüidade e sementamos
fabas.
Cabaliños de mar, moreiras, medusas, tartarugas, peixes
pallasos … ata pirañas! Todos estes habitantes do mar puidemos observar na nosa
visita ao acuario, enmarcada dentro do Plan Proxecta Aliméntate Ben.
Acompañados en todo momento polo monitor Borja, descubrimos diversos ecosistemas mariños.
.jpeg)
Sen lugar a dubidas, un dos momentos máis especiais da visita, foi a oportunidade de ver de preto as estrelas de mar.
Ademais da visita guiada, participamos no obradoiro “Ollo co que pescas”. A través de xogos, traballamos ao redor do respecto e coidado do mar e os seus hábitats.
“Feo” foi o título da obra de teatro que fomos ver a Pontevedra o pasado mércores.
Un espectáculo inspirado no conto O Paruliño Feo de Hans Christian Andersen.
Ao rematar, merendamos, xogamos un pouco e fomos visitar
o edificio do "Café Moderno". Unha construción chea de historia e anécdotas.
Na fermosa galería realizamos unha postal.
Despois baixamos ao xardín.
Rematamos a visita vendo as dependencias interiores e escoitando as explicacións sobre a súa restauración.
Dentro do programa “Ti si que é
un bo peixe” no que participa a nosa escola, hoxe
fomos de excursión a O Grove para coñecer o mundo do mar e degustar algúns dos
seus produtos.
Comezamos a xornada coa viaxe en autobús
que sempre esperta a ilusión entre os máis pequenos.
Ao chegar visitamos a lonxa. Vimos
algunhas das especies que se capturan, o etiquetado dos produtos pesqueiros e coñecemos
o proceso da poxa.
Despois paseamos polo porto. Vimos os
aparellos que se empregan para capturar o peixe e diferentes embarcacións.
A continuación, pasamos á Praza de Abastos
onde observamos a gran variedade de peixes e mariscos que se poñen a disposición do
consumidor.
Ao rematar deron agasallos para todos.
E por último, chegou o momento de coñecer os alimentos do mar dende o punto de vista culinario cunha merendola mariñeira. Que rica!
