A BRUXA DO MAGO DE OZ

ENTROIDO 2017

CATÁLOGO DE DISFRACES 2017

Coas ordes do Meco, o luns deu comezo no noso centro o tempo de Carnaval que acadará o seu punto culminante na festa do vindeiro venres. Para aqueles que aínda non saiban de que disfrazarse a continuación teñen o noso particular catalogo de Entroido 2017.  

PREPARÁNDONOS PARA O ENTROIDO

Comeza o mes de febreiro e con el o tempo de Entroido. Este ano os malos e malas dos contos serán os protagonistas do Carnaval da escola. Na nosa aula xa escollemos a malvada da que imos ir disfrazados e andamos a voltas confeccionando os traxes. Marcar, recortar, pegar, probar, seleccionar… ¡canto traballiño levamos! Mirade as fotos e seguro que adiviñades que personaxe escollemos.

O LOBO

CARREIRAS DE VASOIRAS

Sen lugar a dubidas as malvadas máis coñecidas dos contos son as bruxas. Nós aproveitamos as súas vasoiras para a nosa sesión semanal de enredos e xogos. 

XOGANDO CON CAROZOS

Esta semana os carozos que sobraron do Magosto do venres foron os protagonistas dos enredos de onte. Comezamos construíndo a torre do conto de Rampunzel e rematamos xogando a encestar para recollelos.

OS MALOS NA HORA DE XOGAR

Este curso a nosa sesión semanal dedicada aos xogos tradicionais realizámola os mércores. Os nosos primeiros enredos do ano académico tiveron como protagonistas as abelás con “Rabo de boi” e “Guante, guante”. Agora andamos a voltas cos malos. Baseámonos na canción de Rosa León “Jugando al escondite” e substituímos o lobo polo  personaxe malvado favorito de cada neno. Graciñas a xardineira do concello temos a herba moi cortadiña e da gusto xogar fóra nestes cálidos e solleiros días de outono. 

O CAPITÁN GARFIO

MALVADOS E MALVADAS

O Ogro, O Lobo, O Zampón, A bruxa, A cabra, Os cazadores, “El capitán Garfio”… cada día aumenta o número de malos e malas que imos coñecendo. Xa limos todos os contos que tíñamos na nosa bolsa de lectura e volvemos a enchela con máis que collemos da biblioteca escolar. Ademais de ler as historias, estamos vendo as películas, escoitando cancións, traballamos cos nomes dos personaxes e, a partir deste venres, serán os protagonistas do noso obradoiro de cociña. A continuación vos deixamos un conto musicado de tres malos e unha avoíña que nos encanta. 

OS MALOS E MALAS CHEGAN Á HORA DE LER

Carapuchiña Vermella, Cincenta, O coelliño branco, As sete cabuxas e o lobo, A casiña de chocolate … todos estes contos teñen en común a existencia dun personaxe malvado entre os seus protagonistas. Nas vindeiras semanas os malos e malas dos contos reinarán na nosa aula a partir da hora de ler que cada día realizamos á volta do recreo.¿Quen se anima a enviarnos un comentario cos nomes dos malvados e malvadas que coñecemos esta semana?