A noticia publicada no xornal Diario de Arousa sobre as lebres de mar aparecidas na praia de Vilagarcía, serviunos de detonante para coñecer estes animaliños mariños. Tamén aproveitamos a oportunidade para traballar ao redor dos xornais e da prensa dixital.
Cabaliños de mar, moreiras, medusas, tartarugas, peixes
pallasos … ata pirañas! Todos estes habitantes do mar puidemos observar na nosa
visita ao acuario, enmarcada dentro do Plan Proxecta Aliméntate Ben.
Acompañados en todo momento polo monitor Borja, descubrimos diversos ecosistemas mariños.
.jpeg)
Sen lugar a dubidas, un dos momentos máis especiais da visita, foi a oportunidade de ver de preto as estrelas de mar.
Ademais da visita guiada, participamos no obradoiro “Ollo co que pescas”. A través de xogos, traballamos ao redor do respecto e coidado do mar e os seus hábitats.
Aínda que as previsións anunciaban auga, na nosa saída a
Portonovo dentro do Plan Proxecta Aliméntate Ben, gozamos dun tempo estupendo.
Tras a viaxe en bus que sempre esperta a ilusión nos cativos, chegamos á lonxa
onde nos explicaron o proceso de comercialización do peixe e o etiquetado.
Despois visitamos o porto e amosáronnos as principais
actividades pesqueiras e os aparellos que se empregan para capturar o peixe.
Na nave de redeiras coñecemos de primeira man o oficio de
reparación e armado de redes.
Ao rematar, fomos á praza de abastos a ver a gran
variedade de produtos pesqueiros e marisqueiros que se poñen a disposición do
consumidor.
Ademais da súa amabilidade ao amosarnos os pescados e
explicarnos as súas características, déronnos unha chea de agasallos para levar.
Por último, chegou o momento de coñecer os alimentos do
mar dende o punto de vista gastronómico. Puidemos degustar unha merenda
mariñeira e levar nunha bolsiña as preparacións que nos sobraron.
Esta semana comezamos a traballar ao redor dos xornais e a prensa dixital. Comprobamos que a maioría dos nenos non está familiarizado con este tipo de soporte impreso. Consideran que os periódicos úsanse para non manchar a mesa cando se pinta ou para envolver obxectos. Poucos coñecían a súa función informativa. Por este motivo, se na casa ledes a prensa escrita e vos apetece, os nenos poden traer o periódico á escola. Será un xeito motivador para que todos vaian coñecendo a importancia deste medio de comunicación e cada día ver o que acontece no mundo.
Mentres iso sucede, a nova aparecida na versión dixital do Faro de Vigo sobre o tiburón martelo, serviunos para coñecer
algunhas curiosidades deste animal.
Despois de tanto tempo sen poder ir de excursión debido á
pandemia, o pasado 26 de maio por fin puidemos facelo. Cheos de ilusión emprendemos
rumbo a Carril en autobús.
Despois veu o máis emocionante, o percorrido en lancha
ata a Illa de Cortegada.
Mentres esperabamos polo resto do grupo, fixemos fotos cos
compañeiros de Sisán.
E guiados pola monitora Marina, que nos acompañou durante todo o percorrido, coñecemos a illa e descubrimos os seus segredos.
Fai unhas semanas, a mestra Rebeca de educación física tróuxonos
unha sorpresa espectacular. Nun dos seus paseos polo río Umia atopou unha
botella cunha mensaxe que compartiu connosco. Resulta que a tripulación da
capitá Cortegadilla, encargada de coidar o medio ambiente na Illa de Cortegada,
desapareceu. Cortegadilla pedía a nosa axuda para rescatala e dábanos unha
serie de pistas para conseguilo.
Despois chegaron as probas. Para rescatar a cada membro da tripulación debíamos superar unha: resolver adiviñas, facer castelos de area, camiños de follas, tirarnos polo tobogán, adiviñar obxectos polo tacto …
Paseniño os piratas foron aparecendo e entre todos recuperamos a toda a tripulación incluído o loro Refunfuñón.
E para agradecernos a nosa axuda, a capitá Cortegadilla enviounos o seguinte vídeo no que nos invita a coñecer a súa illa.
