Aínda que non puidemos xuntarnos cos nenos das outras
escolas, si que tivemos unha mañá festiva. Comezamos vestidos para a ocasión e
con panxoliñas.
Recibimos a visita do Apalpador que recolleu as cartas
coas nosas peticións e deunos un agasallo. E rematamos a xornada con xogos e
bailes. Grazas familias pola vosa colaboración.
A nosa cociñeira Noa animouse a preparar o calcetín
de Papa Noel e o rei Melchor.
Mirade nas imaxes que chuliños lle quedaron. Grazas familia por enviarnos as
fotos de todo o proceso.
Xa temos as raíñas da froita do mes de decembro. Para merendar
trouxeron mazá, mandarina, plátano, arándanos, figos … que ricos!
Zapatocas xa nos fixo chegar a última guía de lectura con
todas as novidades que se mercaron dende a biblioteca escolar relacionadas coa
inclusión.
O venres recibimos unha visita moi especial, dous
integrantes da Banda Municipal de Ribadumia viñeron a narrarnos o conto
musicado Crebanoces.
Dende que os Comefroitas nos trouxeron os álbums para cubrir
con selos cada día que comeramos froita, son moitos os nenos que se animaron a
incorporar este alimento á hora da merenda. Paseniño vanse enchendo de plátanos,
arándanos, mazás, mandarinas, fresas, figos … Que ricos!
Despois de Papa Noel, chegan As Súas Maxestades Os Reis Magos de Oriente ás nosas propostas culinarias da fin de semana. Coma sempre optamos por unha receita sinxeliña, pero para os máis atrevidos neste enlace tedes outra opción para elaboralos con galletas.
Continuamos coa nosa temática de Nadal e propoñemos unha divertida pizza. Se non temos masa de pizza como nos indican neste enlace do que copiamos a receita, podemos utilizar pan de molde. Para os que se animen a cociñar tamén o gorro, nesta páxina tedes como facelo empregando un pemento de piquillo enteiro. E xa sabedes, se vos apetece compartir as vosas creacións, podedes enviar as fotos a escoladeleiro@gmail.com
Para conseguir formar parte da tripulación do barco
pirata, Daniela tivo que superar sete probas. A primeira, saber pescar. Capturou
luras, bacallaus, lagostinos e unha mantaraia. Nós tamén pescamos pero números!
A ver quen saca o máis alto…
Fai uns días a mestra Marta tróuxonos uns persoeiros moi
especiais: os Comefroitas. Traían unha carta na que nos invitaban a comer moita
froita para estar sans e fortes. Para animarnos a facelo, deixáronnos uns álbums
que temos que cubrir. Cada día que os meniños traian froita e a coman, gañarán
un selo. Cando consigan sete, serán nomeados reis ou raíñas da froita. Xa comezamos a cubrilos.
Dende que limos na biblioteca o contiño Daniela Pirata, encántanos todo o relacionado con el. Estes días o barco pirata de clase converteuse na nave da protagonista.
Na nosa proposta culinaria desta fin de semana, traemos un
reno de Papá Noel. En clase vimos unha receita sinxeliña empregando
coma base un sobao, pero no seguinte vídeo tedes outra opción con madalenas.
Xa secaron as pebidas que reservaramos cando baleiramos
os calacús para a festa do Samaín. Onte cada meniño levou dez para casa. Pero antes
tiveron que contalas intentando non confundirse. Tamén preparamos sobres
reciclados para gardalas e etiquetalas. Cando chegue a primavera podedes
sementalas.
