A RUTA DA PEDRA E DA AUGA

Como funciona un muíño, que son os petróglifos, quen vivía no Monte do Castro hai moitos anos… todo isto e máis poderemos aprender da man dos Bolechas co libriño que hoxe levamos para casa. Foi un agasallo que trouxo esta mañá a Alcaldesa de Ribadumia para todos os nenos da escola, nós, a cambio, ensinámoslle a dar bicos de bolboreta e de spray. Se o coidades, no seguinte trimestre traerédelo de novo á escola e empregarémolo para seguir desenvolvendo o proxecto do millo que empezamos en outono.