GLORIA E AS ADIVIÑAS

Na nosa biblioteca de aula temos un libro novo de Gloria Fuertes que nos encanta: “Diviertete con Gloria Fuertes”. Ten ilustracións grandes, versos para debuxar, para xogar… e un poema que ultimamente nos gusta moito: “La araña de España”. Especialmente  cando recitamos ¡TACATÁ, TACATÁ! a ritmo de palmas con toque flamenco. Probade na casa cos cativos, seguro que vos divertides.

Pero Gloria ademais de contos e poemas, tamén escribía adiviñas. Esta semana traballamos unha moi relacionada co proxecto que estamos a desenvolver ao redor de Exipto, a ver se a acertades.