A FESTA DOS MAIOS

Estaba chovendo cando chegamos e choveu, choveu e choveu, toda a mañá. A pesar do mal tempo as familias esforzáronse e trouxeron fiúncho dabondo, flores, laranxas e ovos e, paseniño, entre todos, fomos vestindo o maio. Primeiro as mestras colocaron o fiúncho mentres os cativos facían os colares. Despois decorámolo coas flores e os ovos, por último, as laranxas. Entre obradoiros con margaridas, follas de papel e películas, chegou a hora da merenda. Pasteis, biscoitos, galletas … ¡que rico estaba todo!... Pero o mellor veu co grupo Alecrín. Coa súa música non fixo falta o sol, o ambiente quentouse rapidamente e pequenos e maiores cantamos ao ritmo do acordeón: “A saia da Carolina”, “O Pirmpinpín”, “O xogo da Carrasquiña”… Unha vez máis graciñas a todos por converter en especial ese chuvioso día de maio. Para ver todas as fotos clicade aquí.