A HORA DE LER

 

Cada día, a volta do recreo, temos o momento máis máxico da xornada: a hora de ler. Sentados na colchoneta, ao redor dunha chea de contos que sacamos dunha bolsiña, o encargado do día escolle cal lemos. Con cada lectura ábrese un mundo de posibilidades e descubrimentos.

Nos últimos días as pantasmas son as protagonistas destes contiños. Con elas andamos a xogar e a expresar os nosos medos. No libriño “Tasma el fantasma"  vimos que a pantasma lle tiña medo ás arañas e como a princesa lle axuda a ver o lado divertido. Nós tamén lle temos medo ás arañas e, para superalo, propoñemos levalas ás nosas elaboracións culinarias da fin de semana. Pero iso volo contaremos na seguinte entrada.