ZAPATOCAS

Rematado o período de adaptación dos novos alumnos, esta semana comezamos coas actividades do centro e as clases cos especialistas. O luns estivemos con Zapatocas, a mascota da biblioteca. Ensinounos como escribir o seu nome e deunos a coñecer as novas normas de funcionamento e hixiene. Ela tamén anda con máscara para protexerse do virus. Este curso non poderemos levar contos para casa, nin manipular libremente os fondos, pero gozaremos igual da lectura realizando outro tipo de actividades.