XOGOS DE AVES

Fai unhas semanas Marcos fíxonos chegar esta foto na que nos mostraba que el tamén quedaba na casa aprendendo cousiñas co ordenador. Como sei que a todos vos gusta traballar nel, mentres non chegan correos coa solución a nosa ave misteriosa desta semana, neste enlace tedes un xogo de parellas con aves coma protagonistas. Outra proposta é un de memoria que podedes descargar e imprimir facendo clic aquí. E por último, que tal se nos unimos ao reto que propón a mestra Marta na súa entrada un mes de refráns debuxados? Hoxe trataba de refráns que fixeran referencia á andoriña. Animádevos a participar enviándonos e debuxando todos eses refráns nos que é tan rica a nosa lingua, unha boa oportunidade para ensinarllos aos nosos fillos.