O luns aproveitamos a nosa
visita semanal á biblioteca para buscar e ver os libros que temos que falan da
selva. Descubrimos que hai moitos e gozamos ollándoos todos. É impresionante a
cantidade de animais e plantas que neles puidemos observar.
Nalgunhas ilustracións
as árbores aparecen tal altas que necesitabamos despregar as follas a catro
páxinas para velas enteiras.
Pero sen lugar a dúbidas o que máis chamou a nosa
atención foi “Yo exploro la selva” de SM, polo efecto óptico
que provocaba nas transparencias con fondo negro, unha simulación de lupa
branca.
A mestra axudounos a
reflexionar sobre como identificar os exemplares e como temos que facer para
localizalos nos andeis. Fomos á zona documental e comprobamos que todos teñen a
pegatina verde e os números 50 e 59 no “tejuelo” porque tratan da natureza e os
animais respectivamente. Hoxe continuamos traballando ao redor do tema e atopamos
nos títulos dos libros selecionados a palabra “selva”.
No hay comentarios:
Publicar un comentario