O pasado venres
celebramos na nosa escola a festa de Carnaval con Xapón como tema central. Pensabamos
disfrazarnos ao chegar e facer o noso tradicional desfile pola aldea acompañados
das familias pero o mal tempo non nolo permitiu. Coma sempre temos unha
alternativa por se chove, optamos por desenvolver diversos obradoiros ata a
hora da merenda e confiar en que a choiva parara.
O sol non quixo saír pero nós
gozamos igual comendo a infinidade de filloas, orellas, biscoitos, galletas e
doces que con tanto agarimo prepararon nos fogares dos cativos. Ao rematar empezamos
a maquillarnos e colocarnos os quimonos para transformámonos en emperadores e
bandeiras de Xapón, carpas Koi e ata en ricos pratos de sushi.
En canto a
choiva parou dimos unha pequena voltiña ao redor do colexio e rematamos a
xornada bailando todos xuntos. A modo de resumo, a continuación vos deixamos
unha pequena presentación coas fotos mais significativas, se queredes ver máis
podedes visitar a galería de imaxes do colexio clicando directamente aquí.
No hay comentarios:
Publicar un comentario