FÉLIX ESTÁ EN EXIPTO

Contóunolo nunha carta que limos a semana pasada. Nela fálanos de pirámides, camelos, desertos, incluso dun río chamado Nilo… Hoxe, na biblioteca escolar, estivemos vendo os libros de Exipto que hai nela. Temos moitos e puidemos observar algunhas das cousas das que nos falou Félix. Tamén descubrimos outras sorprendentes: uns signos estraños que a mestra chamou xeroglíficos, reis e raíñas, xoias… ¡ata momias! E o que moitos non se esperaban: ¡que existen de verdade!. Nas vindeiras semanas iremos recompilando e organizando toda a información sobre este marabilloso país que o noso amigo está a visitar. Por agora, xa sabemos que se queremos atopar información de Exipto na biblioteca, temos que buscar na zona documental no número 9, nos libros que teñen unha pegatina branca.