MAIO, MES DAS FLORES

Para darlle a benvida á primavera en moitas zonas de Galicia celébrase a festa dos Maios. Tratase dunhas construcións feitas con paus e recubertas de fiúncho, flores, ovos e laranxas ao redor das cales cántase ao ritmo de claves, con variantes dependendo da localidade. O vindeiro venres realizaremos un na nosa escola, pero para que todo saía ben temos que ensaiar o ritmo e aprender as cantigas. Sobre todo temos que practicar para coller ben os paus e non golpear a ningún compañeiro nin mancarnos nós. Danzar cantando ao redor do maio, todos na mesma dirección, levar as claves pousadas nos ombreiros, parar ao rematar a cantiga e golpear os paus apuntando ao maio e seguindo o ritmo … ¡que difícil¡…É complicado pero sempre acabamos conseguíndoo. Primeiro ensaiamos con palmas, despois con rotuladores coa mestra de música e, por último, coas claves. Aínda temos que facelo máis veces pero como podedes ver nas fotos xa nos sae bastante ben … É que nos gusta moito ter os paus e sabemos que se golpeamos onde non debemos a mestra nolos quita.

Pero maio, ademais de flores ven cargado de tradicións, como a de por nas casas, cortes, coches … xestas para "que non poida entrar o maio, nin collan o meigallo". Dende http://enmupsico.blogspot.com.es/2012/04/onde-puxeches-o-maio.html a mestra María propón continuar coa tradición e mandar fotos. Animádevos a participar, na nosa escola apañaremos a xesta mañá e colocarémola na porta non vai ser …