Non vos esquezades, mañá hai que madrugar e chegar cediño á escola. Os autobuses teñen que marchar ás 9:00 se queremos que nos dea tempo de realizar todo o que temos programado para a xornada: ver o noso traballo exposto no Salón do Libro e os dos outros colexios, asistir á actuación do grupo Pavís Pavós, coñecer o Estadio de Pasaron onde xoga o equipo de fútbol Pontevedra FC…
Lembrades que non tedes que traer mochila, ocupan moito espazo e son máis complicadas para transportar dun sitio a outro. Simplemente metede un bocadillo e unha botella pequena de auga co nome posto nunha bolsiña de plástico.
Deste xeito poderemos levar todas nun carriño da compra e non teremos que cargar con peso. E sobre todo, deitarvos cediño para estar ben descansados e gozar de todas as actividades.
No hay comentarios:
Publicar un comentario