Ao principio enredámonos
un pouquiño pero pronto os vagóns
tomaron forma. Pegamos con queixo as rodas, colocamos a cheminea e ¡a comer!...
Aproveitamos a oportunidade para coñecer a faceta maternal da autora de
“Cantares Gallegos”. Soubemos que tivera sete fillos, aínda que soamente
chegaron a idade adulta cinco. Intentamos adiviñar os seus nomes pero, algún
son tan poucos comúns que, o tivemos complicado.
Dende
que vimos o sofá labios de Dalí na revista que acompaña ao xornal dominical, decidimos coñecer a este artista. Aínda que
case todos nos lembrabamos do seu apelido e o seu característico bigote,
non tíñamos tan claro o seu nome. 
Hoxe
vimos como se escribía e realizamos retratos del. Fai unhas semanas Laura
tróuxonos un coxín labio que lle prestara a súa tía, con el e con todo o que
vaiamos atopando relacionado con Salvador Dalí, imos crear un novo recuncho en
clase.
Coma sempre, os rapaces poden traer todo tipo de materiais: cadros, libros,
imaxes, postais, xoguetes, DVDs, obxectos, láminas, murais, direccións de
internet, CDs, debuxos... para enriquecer a nosa pequena exposición e aprender
todos xuntos. Por agora o que máis nos gusta deste particular xenio é o seu
mostacho.
Nesta
ocasión optamos por unha máis difícil cas anteriores. Como pista diremos que
non fai referencia a ningún conto e que seguro que todos temos varias na casa. ¿Quen
será o primeiro ou primeira en enviarnos un comentario coa solución?...
