MACEDONIA

Despois de andar toda a semana a voltas co laranxal de Xosé Mª Álvarez Blázquez, non podíamos deixar pasar a oportunidade de facer zume de laranxa e preparar unha rica macedonia. Somos moitos en clase e soamente temos un espremedor. Pero mentres que mondabamos o plátano e cortabamos a froita en anacos,  por pequenos grupos íamos espremendo as laranxas. Hai que calcar con forza para que o utensilio funcione, pero se empregamos as dúas mans é doado. Unha vez feito o zume e partida a froita, soamente quedaba mesturar todo e… ¡a merendar!.