FESTIVAL DE FIN DE CURSO 2019

Para os que non puideron asistir á actuación, picade na imaxe inferior e accederedes á montaxe que fixo a mestra Olalla de educación física con todas as actuacións.

A NOSA “LICENCIADA” 2019

O CIRCO DE VERÁN CHEGA A SISÁN

Nas últimas semanas organizamos un concurso de debuxo para deseñar o que sería o cartel anunciador do festival de fin de curso. Como xa todos sabedes, este ano entre todas as escolas realizaremos unha función de circo con pallasos, magos, forzudos, mimos … e  ata unha muller bala. Cada meniño realizou o seu deseño e propuxo un nome para este espectáculo único que faremos mañá. Na imaxe tedes o resultado cunha montaxe de debuxos de todas as escolas e o nome máis votado. No pavillón estarán expostas todas as propostas dos nenos, buscade a do voso fillo.
Tamén xa está rematado o noso rececuario cos códigos QR que dan acceso as diferentes receitas colgadas neste blog. Mañá na festa estarán  os de todas as escolas. Se levados no voso móbil un lector  instalado poderedes acceder ás de todas as aulas.

O GALO KIRIKO

Onte e hoxe tivemos un compañeiro de clase moi especial. Tratase dun galo que nos trouxo a mestra Marina. Xa non pode seguir no seu galiñeiro porque anda a pelexar cos outros galos e buscámoslle un novo fogar. Vimos como era e sobre todo escoitamos como cantaba cando estabamos caladiños. Como non tiña nome, cada neno realizou unha proposta e despois votamos. Saíu elixido o nome de Kiriko e agora xa está no seu novo curral.

CAPITÁ LÍA E CAPITÁN ROI

Bocatas de sardiñas, atún, mexillóns … que rico están e ademais Os Arroases traen diplomas e premios cando cumprimentamos o álbum de pegatinas. Lembrádevos de gardar o álbum para setembro que hai moitos nenos aos que xa lle faltan poucas pegatinas para acabalo.

XEADO CON CACAHUETES

REMATAMOS O NOSO CALENDARIO DE BOTERO

Despois de varios meses traballando ao redor do calendario de Fernando Botero e o circo, xa está listo para que mañá os meniños o leven para casa xunto co resto dos seus traballiños.

DIPLOMAS DOS ARROASES

Hoxe os arroaces deixáronnos na nosa escola tres diplomas de capitá arroas e agasallos para Marta, Laura e Suevia.  Durante todo o curso puxéronlle as pilas aos seus bocatas con produtos do mar e completaron o álbum de pegatinas. Os que aínda non o fixeron poden continualo para o vindeiro ano. Gardade o álbum na casa e traelo en canto comecemos para seguir completándoo. Os arroases están desexando dar máis diplomas e regalos.

BACALAO CON COLIFLOR

E rematamos o noso rececuario coa nutritiva e rica receita de Suevia.

MERLUZA

E agora pasamos aos peixes. Comezamos coa merluza e propoñemos dúas riquísimas opcións. A receita de merluza rebosada de Roi e a merluza en salsa verde de Marta.

RISOTTO

Continuamos coas receitas que formaran parte do noso rececuario. Tócalle quenda as gambas para facer un rico risotto. Tomade nota da saborosa proposta que nos fan Lía e o seu papá.

ANIVERSARIO DE BREOGÁN

ZAMBURIÑAS Á MARIÑEIRA

A receita de Marcos ten como ingrediente principal as zamburiñas. No noso recuncho de tesouros do mar temos moitas cunchiñas delas. Nun primeiro momento os meniños confundíanas coas vieiras pero en canto as compararon rapidamente aprenderon as distinguilas polo seu tamaño.

RECECUARIO

Estes días andamos a reler todas as receitas que trouxeron os meniños da casa polo Nadal. Con elas e as cunchiñas e peixes do noso recuncho de tesouros do mar, andamos a construír un rececuario. Para elaboralo, estamos a transformar unha caixiña de cartón nunha maqueta. Nela imos introducir os peixes e mariscos que viñan nas receitas de cada meniño. Enriba deles poñeremos códigos QR que remitirán a enlaces do noso blog onde colgaremos as receitas aportadas polas familias. Se no seu momento non o fixerades, aínda estades a tempo de participar.

EXCURSIÓN DE FIN DE CURSO

Hoxe visitamos o Parque Arqueológico da Arte Rupestre Campo Lameiro. No transcurso da mañá realizamos varios obradoiros. No primeiro chamado “Pintura coas mans” coñecemos os pigmentos e útiles básicos para a creación das pinturas na Prehistoria. No segundo, titulado “Sementes do pasado”, realizamos o proceso de produción de fariña cun muíño de man e despois plantamos. Tras repoñer forzas, coa merenda paseamos pola Área Arqueolóxica e Poboado da Idade de Bronce. E rematamos a xornada cunha exhibición de como facían o lume.

CONVIVENCIA 2019

Un ano máis, para facilitar o cambio de etapa dos meniños que rematan infantil, realizamos unha xornada de convivencia no que será o seu futuro colexio. Ademais de ir no transporte escolar, no transcurso da mañá realizan xogos para coñecer os seus novos compañeiros, visitan as instalación da escola e fan actividades co profesorado do centro.

MACEDONIA