Para desenvolver o pensamento matemático, mellorar e centrar
a atención, aumentar a capacidade de concentración, adquirir habilidades
motoras, enriquecer o vocabulario espacial e, sobre todo, para que se divirtan
mentres os meniños aprenden xogando, na aula utilizamos quebracabezas adaptados ás diferentes idades.
Paseniño o noso blog vaise enchendo de saborosas e
nutritivas bolboretas. Hoxe temos as creadas por Ana e Noa.
Coa volta á rutina, inauguramos o noso obradoiro de cociña con propostas que teñen as uvas como ingrediente principal. Comezamos cunha divertida bolboreta.
Os máis pequenos con letras móbiles e os
maiores con grafías máis complexas.
Despois en casa podedes elaborar as diferentes receitas e enviarnos as fotos ao correo como fixeron Yaiza e Antía.
Podedes substituír os ingredientes suxeridos por outros que teñades na casa ou facer as vosas propias versións.Grazas a Yaiza e Antía por compartir as súas creacións connosco, quedaron chulísimas!
Esta semana comezamos co horario habitual. Cada luns
pasaremos parte da xornada na biblioteca escolar traballando ao redor da
animación a lectura, a educación documental e a formación de usuarios.
Con Zapatocas, a mascota da biblioteca, xa realizamos o empréstito de libros e a posta en marcha das mochilas viaxeiras. Ben protexidiños nas bolsas de lectura, os contos da nosa biblioteca xa emprenderon o seu camiñar polos fogares dos meniños.
