ANIVERSARIOS DE ERIK E ROI

NA HORA DE LER: O CIRCO

Como non podía ser doutro xeito, o circo tamén chegou a nosa biblioteca escolar. Dende principio de curso hai montando un recuncho con todos os exemplares que tíñamos desta materia e moitas novidades que fomos adquirindo para actualizar os fondos. Ata que os vexamos todos, na hora de ler, cada día o encargado escollerá cal prefire e pouquiño a pouco iremos léndoos.

FUNÁMBULA

A semana pasada o conto de Funambulus, levounos a coñecer o seguinte personaxe do circo pintado por Botero e ao que lle dedicamos o mes de outubro. Tamén grazas a este libro coñecemos un novo deporte o slakline que, a diferenza do funambulismo, emprega unha corda de nailon ou poliéster con moita suspensión e balanceo.

PALLASO

Despois de tanto tempo a voltas co tema do circo, non podíamos deixar pasar a oportunidade de levar un dos seus principais personaxes ao noso obradoiro de cociña.

ORELLAS DE MAR

Dende que Marcos nos trouxera unha cunchiña moi fermosa e con buraquiños para o noso recuncho de tesouros do mar, todos queríamos saber que era. Despois de investigar descubrimos que se trataba dunha orella de mar.

Tamén vimos que este molusco non é apreciado no noso país, pero noutros lugares é considerado unha exquisitez e un dos mariscos máis caros do mundo.

FERNANDO BOTERO

Nos últimos anos, cando chegan estas datas, realizamos un calendario temático escolar do vindeiro ano académico que dedicamos a diferentes artistas. Este curso, como andamos a voltas co circo, imos copiar a proposta da mestra Marta de Ribadumia e traballar ao redor de Fernando Botero, un pintor que ten unha extensa colección de obras con esta temática.

PINTURA COMESTIBLE

Onte os nenos da aula de Ribadumia A invitáronnos a compartir con eles un obradoiro de pintura moi especial. Grazas a mamá de Beltrán, o profesor Gerardo González ensinounos como, mesturando iogur grego azucrado cunhas pingas de colorante alimenticio, obtiñamos unha saborosa pintura coa que crear obras de arte sobre obleas.

Primeiro cautivounos a todos contándonos o precioso conto de Elmer dun xeito tan especial que todos acabamos participando como protagonistas. Despois pasamos ás mesas de traballo para plasmar a experiencia empregando como lenzo obleas colocadas en fermosos pratos. Paseniño os meniños foron probando e mesturando colores para rematar comendo as súas propias obras de arte. Moitas grazas a todos os que colaboraron para levar a cabo esta experiencia e en especial a Gerardo e á mamá de Beltrán.

UNHA MAÑÁ DIFERENTE

Onte tivemos unha xornada especial chea de actividades. Con motivo da Semana da Prensa, comezamos coñecendo como se fai, redacta e ilustra unha noticia da man dunha periodista e unha fotógrafa de “La Voz de Galicia”. Se picades na imaxe inferior podedes acceder á noticia na prensa dixital.

Despois, a través do Plan Proxecta Voluntariado miúdo: Móvete no que participa o noso centro, Anxo Moure veu cargado de contos solidarios e fíxonos escachar coa risa na Biblioteca Municipal. Recuperamos fozas cos bocatas e xogamos no parque da Casa da Cultura. E para rematar cantamos e bailamos con Pakolas.

PASE MISÍ

Co regreso do bo tempo, retomamos as nosas sesións de xogos ao aire libre. Esta semana tocoulle quenda a “Pase Misí”

OS AVÓS E A FORMACIÓN DE USUARIOS

Alá polo mes de outubro, a Asesoría de Bibliotecas Escolares de Galicia, convocou o concurso “Xogando coa CDU” coa finalidade de potenciar a formación de usuarios da biblioteca escolar. A nosa escola quixo participar no certame e deseñou unha batería de actividades para traballar a educación documental cos máis pequenos. Non figuramos entre os gañadores, pero os materiais elaborados estannos a servir para que os meniños aprendan a localizar os exemplares nos andeis á vez que gozan coa lectura dos libros. Esta semana, aproveitando a temática do caderno viaxeiro dos superavós, limos e traballamos ao redor do conto “A avoa de Rosa”.

PASTELIÑOS DE AMORODOS

ENTROIDO 2018

Este curso o Entroido veu cargado de actividades que compartimos coas familias e os avós da Residencia de Maiores de Ribadumia. Clicade na imaxe e veredes o bonito vídeo que fixeron dende a ANPA da escola.