Chega o Nadal ás nosas propostas culinarias da fin de
semana cunha saudable árbore de uvas. A nosa chef Antía xa se puxo en marcha e
quedoulle xenial.
E para os amantes do kiwi, o noso cociñeiro Brais tráenos
unha espectacular versión con esta froita como ingrediente principal.
A palabra fotógrafa parece sinxela pero para os nenos pequenos non é fácil de
pronunciar. Descubrímolo na nosa sesión semanal dedicada á prensa. No xornal
“La Voz de Galicia” limos unha
noticia sobre unha fotografa de Vilagarcía que ten recibido varios premios polo
seus traballos. A nova serviunos para, ademais de coñecer o seu labor, falar doutras
profesións.
O vindeiro día 25 conmemórase o Día Internacional da Eliminación
da Violencia Contra as Mulleres. Para celebralo, na escola tivemos unha xornada de contacontos e obradoiros sobre
igualdade.
Co motivo do aniversario do nacemento do escritor Xosé Neira
Vilas, a semana pasada estivemos a ler e traballar ao redor do libriño “Espantallo amigo”. Coñecemos ao Tío Ramón, os merlos e outros persoeiros deste
entrañable conto. Como non podía ser doutro xeito, levamos ao protagonista
da historia ás nosas propostas culinarias da fin de semana.
A nosa cociñeira Lúa xa se animou a elaboralo e enviounos
as fotos da súa espectacular creación.
Unha carreira solidaria, un contacontos arrepiante, unha
obra de teatro para morrer de risa, un túnel do terror, unha exposición de cabazas,
un saboroso Magosto, bailes, música, disfraces e unha gran merendola. Na festa
do Samaín deste curso tivemos de todo. Ata o sol animouse a saír e
acompañarnos. Grazas a todos o que colaboraron e fixeron posible esta
tradicional festa.
Nesta ocasión recibimos as fotos dunha terrorífica bruxa
cociñada pola nosa chef Antía. Para a elaboración dos pelos empregou un
nutritivo plátano. Que medo!
E o noso bruxo Aarón animouse a preparar a casa da bruxa.
