O xoves pasado realizamos a primeira saída do curso para ir á fabrica Clesa.
Durante a visita, observamos a maquinaria e explicáronnos como o leite
se transforma en iogures e sobremesas.
Realizamos degustacións de algúns dos produtos que elaboran.
Finalizamos a visita transformándonos en expertos chefs e
elaboramos unha receita personalizada a base de iogur grego.
Xa temos listos os nosos envases para levar mañá as
nutritivas castañas que asaremos coa axuda das familias.
Nas nosas propostas culinarias da fin de semana
continuamos a voltas coas bruxas. Nesta ocasión optamos polas casa destes
máxicos personaxes. Os nosos cociñeiros Antía e Brais xa nos enviaron as súas saborosas
creacións.
A noticia publicada no xornal Diario de Arousa sobre as lebres de mar aparecidas na praia de Vilagarcía, serviunos de detonante para coñecer estes animaliños mariños. Tamén aproveitamos a oportunidade para traballar ao redor dos xornais e da prensa dixital.
Cada 24 de outubro conmemorase o Día da Biblioteca Escolar. Para celebralo Zapatocas editou unha guía de lecturas dedicada ás bruxas que onte levamos para casa. Estes persoeiros, protagonistas de numerosos contos, son o eixo ao redor do que xiran parte das actividades estes días na escola.
Nunha das nosas visitas semanais á biblioteca escolar, descubrimos
o conto “Daniela Pirata e a bruxa Sofronisa”. A partir da súa lectura comezamos
a mergullarnos no fascinante mundo das meigas.
As nosas cociñeiras Ana, Noa e Yaiza xa se puxeron en marcha e mirade que creacións máis divertidas nos mandaron.
Na receita que traballamos en clase propoñiamos empregar tortiñas de arroz para facer a cara. As nosas chefs Noa e Ana optaron por empregar arepas. Un xeito de divertirse dobremente realizando a masa.
Grazas familias
por compartir as imaxes connosco!
Cando limos o contiño de Daniela Pirata coñecemos a
Orella Cortada, o malvado capitán do Caimán Negro, e decidimos levar este
persoeiro ás nosas propostas culinarias da fin de semana. Os nosos chefs de Leiro
xa nos enviaron ás súas espectaculares creacións.
Estes días no que o sol quenta de máis e a temperatura sube, facemos o recreo no “Patio de landras”. Así denominan os meniños ao parque polo gran carballo que medra ao seu carón e enche todo con seus froitos de outono. Coas landras,follas e pauciños as oportunidades de xogos multiplícanse. Os nenos enchen caldeiros, fan collages, debuxos, nomes … Como lles gusta a todos experimentar á sombra desta espectacular árbore!
Estes días o conto ao
redor do que están a xirar parte das actividades que desenvolvemos na aula
titúlase “Daniela pirata”. Este bonito álbum ilustrado ensínanos que todos podemos ser o que
desexemos sen importar o noso xénero, pero tamén, que para ser capitán hai que
ser xusto.
Como podedes ver nas fotos, en Leiro temos uns cociñeiros
e cociñeiras espectaculares! Grazas familias por participar nas propostas e
compartir as imaxes connosco!
Ou se o preferides podedes empregar nutritivas framboesas coma
Lúa e Brais. Que saborosas!
E nada mellor que cociñar en familia!
Dende que comezamos as actividades na biblioteca escolar,
as mochilas viaxeiras andan a visitar os fogares das familias do centro. A que pasou a fin de semana na casa de Noel,
contén o libro “Marionetas de origami”. O
noso compañeiro elaborou unha das propostas incluídas deste exemplar e incluso improvisou
unha actuación con ela para os seus papás!
Mirade nas imaxes que ben o pasou construíndoa e xogando.
Cun outonal pavo real, esta semana rematamos as nosas propostas culinarias coas uvas coma protagonistas. A nosa chef Antia xa nos enviou a súa creación.
Mirade nas imaxes canto traballiño levou e que ben lle saíu.
