BUSCANDO SORRISOS…

O vindeiro día 30 celebrase o Día Escolar pola Paz e a Non Violencia. Este ano quixemos conmemoralo levado a cabo a proposta da mestra Olalla de educación física de “buscar sorrisos” para a paz. Clicade na imaxe seguinte e  veredes o precioso vídeo que elaborou cos sorrisos de toda a escola.

TESOUROS DO MAR

Xunto coas receitas son moitos os tesouros do mar que están chegando á nosa escola. Paseniño iremos vendo todos e investigando ao seu redor. Polo pronto comezamos creando un pequeno recuncho na aula para eles. Moitas grazas a todas as familias polo seu esforzo e colaboración, en especial á mamá de Marcos por traernos os animaliños que atopou nas barriguiñas dos peixes cos que quedamos abraiados.

ANIVERSARIOS DE XANEIRO

POMPAS DE XABÓN

Antes de Nadal, o anuncio no xornal  da actuación de “Os Falulosos Cleaners” en Vilagarcia, serviunos de escusa para, ademais de traballar co periódico, experimentar coas pompas de xabón e os obxectos da aula.

O SABOR DA AVENTURA ESTÁ NO MAR

Un ano máis, a nosa escola participa no programa “O Sabor da Aventura está no Mar” para potenciar entre os meniños unha alimentación saudable. Antes de vacacións, levaron para casa as seguintes notas que xa están chegando ao colexio cubertas.

Paseniño iremos realizando actividades con elas, pero xa comprobamos nas fotos que temos a escola chea de auténticos chef en potencia. Os que aínda non se animaron a participar aínda están a tempo de achegarnos as súas propostas. Moitas grazas a todas as familias pola súa colaboración e axuda.

O REI BALTASAR

O BARCO PIRATA

Coa axuda da mestra Olalla de música, xa temos montado o barco pirata do Apalpador. Puxémolo nun recuncho coa casiña e o castelo que nos trouxera en anos anteriores. Mirade como nos gusta xogar co el.

OS REGALOS DO APALPADOR

No festival de Nadal entregamos ao Apalpador as cartas dos meniños  co listado das cousiñas que nos gustaría que trouxera á escola para compartir. Hoxe, mestres buscábamos o calendario do 2019, atopamos os agasallos. Deixounos dous quebracabezas e un barco pirata que temos que montar, pero xa enredamos cos monecos.

FESTIVAL NADAL 2018