Aínda que este ano tivemos que aprazar a nosa tradicional
festa debido á choiva, a semana pasada por fin puidemos celebrala.
Colares de flores, xogos, cancións, bailes con gaiteiros e unha gran
merendola, inundaron un ano máis a nosa
escola para darlle a benvida á primavera.
Este ano os piratas invadiron o noso festival de
Carnaval. Grazas ao gran esforzo realizado pola ANPA do colexio, puidemos realizar
unhas simpáticas fotografías nos espectaculares photocalls que prepararon.
Ademais argallaron unha busca do tesouro chea de probas divertidas.
Tras superalas conseguimos o mapa do tesouro, puidemos atopalo e levar a recompensa para casa.
Tamén contamos coa actuación do Mago Paco que veu cargado
de contos cheos de imaxinación.
Chegado o momento da merenda, recuperamos forzas con
orellas, filloas, rosquillas e outros doces típicos destas datas elaborados con
moito agarimo polas familias.
Rematamos a xornada cun desfile e a actuación de todas as
escolas baixo a dirección da mestra Olalla de música.
Un ano máis o noso festival
de Nadal veu cargado de teatro, actuacións, xogos, bailes e, por suposto, a visita do Apalpador.
Unha carreira solidaria, un contacontos arrepiante, unha
obra de teatro para morrer de risa, un túnel do terror, unha exposición de cabazas,
un saboroso Magosto, bailes, música, disfraces e unha gran merendola. Na festa
do Samaín deste curso tivemos de todo. Ata o sol animouse a saír e
acompañarnos. Grazas a todos o que colaboraron e fixeron posible esta
tradicional festa.
Comezamos a xornada cun divertido e emotivo contacontos.
Continuamos saltando e xogando nas conchonetas.
Repuxemos forzas cunha gran merendola.
Gozamos do lindo coa espectacular actuación de todos os nenos do colexio grazas a mestra Olalla de música.
Fixemos a entrega de diplomas e orlas aos nonos graduados. E rematamos o día cunha gran festa da escuma.
Grazas a todos os que colaboraron para que fora posible.
Este curso por fin puidemos volver a celebrar o Carnaval xuntándonos todas as aulas do colexio. O Xurásico e a prehistoria foron os temas centrais dos disfraces de grandes e pequenos.
As familias prepararon uns traxes espectaculares e a ANPA
varios decorados impresionantes.
A primeira hora da mañá o Maggo Deimi fíxonos rir e deixounos
abraiados coa súa maxia.
Despois chegaron o baile de Entroido e os xogos.
Repuxemos forzas cunha rica merendola e saímos a realizar
o desfile pola contorna.
O broche final púxoo a mestra Olalla de musica coa bonita
actuación dos meniños a ritmo de bailes que tiñan a prehistoria como eixo central.
Este curso por fin puidemos volver a celebrar a chegada do Nadal xuntándonos cos nenos de todas as aulas e as familias.
Tivemos unha maña
repleta de actividades: contacontos, badaladas, merendola, visita do Apalpador
e as espectaculares actuacións das aulas baixo a dirección da mestra Olalla de
música. Grazas a todas as persoas que colaboraron na organización da festa.
A continuación vos deixamos con moito agarimo o divertido
vídeo en lingua de signos que editou a mestra Malú.
