OS NOSOS “LICENCIADOS” 2020

MARTA, TODO CORAZÓN

A pesar da distancia, Marta fainos chegar esta preciosa foto con todo o seu agarimo e un fermoso conto de base: “Así es mi corazón”. Graciñas Marta! Vémonos en setembro!

LISTOS PARA DESPEGAR?

FELICIDADES BREO!!

No blog de música, a mestra Lupe dedica un novo vídeo para celebrar o aniversario de Breogán. Picade na imaxe para acceder a el. Parabéns!!

AVALIACIÓN DO TERCEIRO TRIMESTRE

Xa están dispoñibles na Aplicación Abalar da Xunta de Galicia os boletíns coa avaliación do terceiro trimestre. Para máis información aquí.

O AGASALLO DE ROI

Como despedida, Roi mándanos a foto dunha bonita malualidade que fixo para nós e unha mensaxe moi especial para todos. Moitísimas grazas Roi!

GUÍA DE LECTURAS DE JOAN MIRÓ

Debido á suspensión das clases, non puidemos continuar co noso tradicional calendario escolar que este curso dedicabamos a Joan Miró. Pero non queríamos renunciar tamén á recompilación de libros que normalmente facemos nel. Por este motivos editamos a seguinte guía de lecturas na que recollemos todos eses exemplares cos que traballamos pero dun xeito diferente. Esperamos que pronto a nosa biblioteca escolar volva a abrir as súas portas para que todos continuemos gozando deles.

O RETO DE MARTA E PABLO

Reto de Marta

Chegou ao correo o primeiro reto dos bocatas de produtos do mar. Seguindo as consignas dos Arroases, temos que adiviñar os ingredientes de dous megabocatas que prepararon Marta e o seu irmán Pablo. Estades listos para xogar? Pois mirande detidamente as fotos que nos mandan e enviarnos ao correo a lista de ingredientes.

Reto de Pablo

O NOME MÁIS LONGO DE TODOS

Xa temos a solución ao reto relacionado cos nomes das nosas familias. Lembrámosvos que había dous finalistas: Ainhoa e Santiago. Marcos confírmanos que o que máis letras ten é Santiago. Pero aínda atopou outro máis longo: María del Carmen!

RAÍÑA DO MES DE XUÑO

Acaba de comezar o mes e xa temos a nosa primeira raíña da froita. Nunha semana xa comeu: melón, sandía, kiwi, piña, amorodos, mango … Toda unha comefroitas!  A ver quen vai ser o seguinte rei ou raíña de xuño, animádevos a conseguilo!

NA PRAIA

Aínda que baixaron as temperaturas, o bo tempo continúa na nosa comarca e son moitas as actividades que xa podemos facer ao aire libre mantendo as medidas de seguridade. Mirade Erik que ben o pasa na praia da casa dos seus avós.

XOGOS CON GLOBOS

Marta e a súa amiga Suevia decidiron por en practica os xogos con globos que o mestre de educación física da nosa escola recomenda. Mirade no vídeo que ben o pasaron e animarvos a practicar coma elas, veredes que divertido.

AVISO IMPORTANTE

O vindeiro mércores día 10 de xuño poderedes acudir ao centro de 10 a 12 horas para a recollida e devolución do material escolar. Activaremos o protocolo de medidas relativas á prevención fronte ao COVI 19 de acordo coa resolución do 22-05-2020 da Consellería de Educación. Estas normas de obrigado cumprimento serán as seguintes:

-          A entrega/devolución do material farase pola ventá da biblioteca que dá á entrada da aula de Leiro.

-          Deberase manter a distancia de seguridade en todo momento e empregar máscara.

-          Soamente unha persoa da familia será a encargada de devolver o libro da biblioteca na súa bolsa e, no caso de que tamén os teñan na casa, a mochila viaxeira da biblioteca, os cadernos viaxeiros e os contos da biblioteca de aula.

-          A titora faravos entrega do material que hai que devolver (carpeta, traballos, cadernos, libros, pandeireta …) nunha bolsa.

-          A persoa encargada de facer a devolución/recollida do material asinará un xustificante. Se queredes podedes traer o bolígrafo de casa para evitar compartir material. No caso de non poder vir ningún familiar ese día, podedes autorizar  a outra persoa.

-          A hixiene de mans será obrigatoria antes de despois da recollida, a estes efectos na ventá haberá un dispensador de solución hidro alcohólica.

-          Non está permitido:

·         O acceso ao interior da escola

·         O uso do patio

·         As reunións de varias persoas no recinto escolar

·         A asistencia dos nenos e nenas

Contactade coa titora no correo electrónico escoladeleiro@gmail.com se tedes calquera dúbida. No caso de que haxa algún cambio comunicarémolo no blog. O profesorado continuará coa actividade telemática. Moitas grazas pola vosa colaboración.

O TEMPO NO CONFINAMENTO

Queredes saber cantos días de sol tivemos durante a corentena? Choveu máis en maio ou en abril? Houbo máis días nubrados que solleiros? Grazas ao rexistro meteorolóxico de Lía, podemos resolver todas estas dúbidas á vez que practicamos as sumas. Animádevos a realizar vos tamén as vosas propias anotacións nos calendarios! E se queredes practicar sumas neste enlace e aquí  tedes varias opcións.

O RETO DOS ARROASES

Xa temos a solución ao reto comefroita de  Marcos, nola envía Roi ilustrada dun xeito moi chuliño e accederedes a ela picando enriba da imaxe da brocheta desa entrada. Lembrade que podedes seguir enviando novos desafíos engadindo a variada froita de tempada que tedes nesta entrada da aula de Ribadumia B, xa vedes que as posibilidades creativas aumentan. Animádevos a incluílas e crear novos pratos?

Pero agora son Os Arroases os que nos piden participar. Queren que lle poñades as pilas aos bocatas incluíndo as vosas conservas favoritas: atún, sardiña, mexillón, polbo …  Aderezalos ou decoralos como máis vos guste, con leituga, cenoria … Mandade as fotos das vosas creacións e os demais intentaremos adiviñar os ingredientes. Neste enlace  e aquí tedes moitas ideas, incluso podedes poñerlle nome a vosa creación. Listos para xogar?

CALENDARIOS DO CONFINAMENTO

O luns comezou o mes maio e Lía lémbranos que toca empezar un calendario novo. Ela foi cubrindo todos os dos meses anteriores e envíanos os seus almanaques de confinamento. Para os que necesiten axuda coa ficha, neste enlace podedes descargala.

TIBURÓN Á VISTA

Comezan a chegar ao correo da escola os traballos co tiburón peregrino como protagonista. Polo pronto temos un realizado en plastilina por Marcos e un debuxo de Erik . Animádevos a seguir enviando e encheremos esta estrada de quenllas.

O MIRONIN DE LÍA

Preséntovos a Lili, o Mironin que onte creou Lía coas súas cores favoritas. Non sei se a noite pasada xa comezou a vivir aventuras na Fundació Joan Miró. No interior de que obra credes que se instalará Lili?  Animádevos a mandarnos un correo coa vosa elección e un debuxo coa vosa propia versión da obra. Neste enlace tedes moitas. Tal vez puido saír do cadro “Mont-roig, a igrexa e a vila” que vos deixo a continuación ou quizás non, a ver que opinades. Tamén podedes crear outros Mironins, escoller o cadro  do que saíu ou contarnos as aventuras que imaxinades para el.

O NOME MÁIS LONGO

Xa temos os resultados dos nomes con máis letras de dúas familias. Na de Roi participaron: Lúa, Yeray, Iker, Hugo, Roi e Ainhoa. Na de Marcos: Santiago, Sandra, Adrián, David, Sito, Carmen, Pilar e Marcos.  Os que máis letras teñen son:  Ainhoa e Santiago respectivamente . E agora o seguinte reto, destes dous, cal é o máis longo?

A NOITE ESTRELADA DE MARCOS

A lúa, as estrelas, o firmamento e unha gama de azuis. Marcos animouse a plasmar no seu debuxo o pequeno anaco do universo que observa dende a súa fiestra como propoñiamos na entrada “Unha horta de estrela”. Para os que necesiten inspiración, a continuación vos deixamos  a obra de Joan Miró “Paisaxe na noite”, seguro que vos motiva.

O TIBURÓN PEREGRINO

Hoxe tamén imos empregar o xornal para coñecer outro animal que estes días saíu nas noticias: o tiburón peregrino. Como podedes ver neste artigo, grazas ao confinamento estase a deixar ver dun xeito pouco frecuente. Pospóñovos descubrir algunhas cousiñas desta quenlla lendo cos meniños a información aparecida nese periódico dixital e vendo as imaxes que ilustran esta entrada e o seguinte vídeo.

Agora con todo o aprendido, seguro que estades preparados para facer un precioso debuxo ou modelalo en plastilina como explican neste vídeo.

ESCRIBINDO CON ARTE

Esta fin de semana de sol e calor, Marta, o seu irmán Pablo, as nosas antigas alumnas Mencía e Suevia e as súas mamás, fixeron unha autentica obra de arte en equipo cos nomes dos nenos da escola. Cunhas cunchiñas, area e moito agarimo, mirade nas fotos que preciosos quedaron. Xogade a buscar o voso, están todos!

OS LINCES DE LÍA E MARCOS

Como propoñiamos na entrada dedicada a apoiar o Día da Internacional da Diversidade Biolóxica, Lía e Marcos estiveron a traballar e aprender cousiñas relacionadas co lince ibérico. Mirades nas fotos que chuliños lles quedaron pintados coas súas cores favoritas.