Unha carreira solidaria, un contacontos arrepiante, unha
obra de teatro para morrer de risa, un túnel do terror, unha exposición de cabazas,
un saboroso Magosto, bailes, música, disfraces e unha gran merendola. Na festa
do Samaín deste curso tivemos de todo. Ata o sol animouse a saír e
acompañarnos. Grazas a todos o que colaboraron e fixeron posible esta
tradicional festa.
Nesta ocasión recibimos as fotos dunha terrorífica bruxa
cociñada pola nosa chef Antía. Para a elaboración dos pelos empregou un
nutritivo plátano. Que medo!
E o noso bruxo Aarón animouse a preparar a casa da bruxa.
Nas nosas propostas culinarias da fin de semana
continuamos a voltas coas bruxas. Nesta ocasión optamos polas casa destes
máxicos personaxes. Os nosos cociñeiros Antía e Brais xa nos enviaron as súas saborosas
creacións.
Cada 24 de outubro conmemorase o Día da Biblioteca Escolar. Para celebralo Zapatocas editou unha guía de lecturas dedicada ás bruxas que onte levamos para casa. Estes persoeiros, protagonistas de numerosos contos, son o eixo ao redor do que xiran parte das actividades estes días na escola.
Araña, pantasma bruxa … Noel está feito un cociñeiro de medo. Mirade nas imaxes que espectaculares e divertidas lle quedaron todas as propostas. Grazas familia por compartir connosco as vosas creacións.
Esta semana despedimos as nosas suxestións culinarias
dedicadas ao Samaín co personaxe máis clásico: a bruxa e a súa vasoira. Dúas divertidas
receitas para elaborar en familia.
Xa temos a primeira creación culinaria da fin de semana.
Erik envíanos a súa vasoira de bruxa disposta para voar. E tamén un divertido
gato cunhas deliciosas uvas. Que rico!
Preparados para a seguinte receita? Xa cociñamos a araña, a bruxa e o seu gato. Agora fáltanos a vasoira. A continuación vos deixamos a receita e un vídeo explicativo. Pero xa sabedes que hai múltiples versións e sempre podemos deixar voar a nosa creatividade.
Marta e o seu irmá Pablo perfeccionaron a nosa versión de bruxa incorporándolle o corpo dun xeito moi creativo. Mirade nas imaxes que ben lle quedaron. Están feitos uns excelentes cociñeiros!
Mirade as divertidas versións de araña e bruxa que cociñou Erik na súa casa. Está feito un auténtico chef.
Estades preparados para a nosa seguinte proposta
culinaria? Seguindo coa temática das arañas, esta semana imos dedicala a un
personaxe que gusta de estar rodeado delas: a bruxa. A continuación deixámosvos
a receita e neste
enlace podedes ver como a elaboramos en cursos anteriores.
