O OSIÑO DE NOEL

Nesta ocasión a proposta culinaria era "Un osiño durmindo". O noso cociñeiro Noel meteuse entre fogóns e mirade nas imaxes que ben lle quedou.

LETRAS GALEGAS 2023

Este ano o Día das Letras Galegas dedicóuselle a Francisco Fernández del Riego. Na nosa escola realizamos diversas actividades para achegarnos á súa figura.

Comezamos quentando motores coa participación no V Concurso de Debuxo da ANPA do noso centro.

Pero a que máis gustou aos nenos, foi o xogo de “escapismo” que nos preparou a mestra Monste na biblioteca e que realizamos coa mestra Anabel. Debíamos superar varias probas relacionadas coa vida e obra do autor. 

Se picades na seguinte imaxe, accederedes as actividades en liña do Seminario Galán e poderedes seguir aprendendo. 

AS RECEITAS DE ANA E NOA

As nosas cociñeiras Ana e Noa animáronse a elaborar dúas das propostas primaverais desta tempada.

Comezamos cun día de choiva e seguimos coas imprescindibles flores.

Mirades nas imaxes que nutritivas e lucidas quedan. Animádevos a crear a vosa flor de primavera con outros ingredientes. 

VIVA A MÚSICA!

O pasado 12 de maio tivemos un obradoiro moi especial a cargo da banda de música de Ribadumia. Viñeron a encher a escola de música e ensinarnos divertidos xogos cheos de ritmo.

Tampouco faltaron as cancións e, por suposto, os bailes.

O ACUARIO DO GROVE

 

Cabaliños de mar, moreiras, medusas, tartarugas, peixes pallasos … ata pirañas! Todos estes habitantes do mar puidemos observar na nosa visita ao acuario, enmarcada dentro do Plan Proxecta Aliméntate Ben.

 Acompañados en todo momento polo monitor Borja, descubrimos diversos ecosistemas mariños.

Sen lugar a dubidas, un dos momentos máis especiais da visita, foi a oportunidade de ver de preto as estrelas de mar.

Ademais da visita guiada, participamos no obradoiro “Ollo co que pescas”. A través de xogos, traballamos ao redor do respecto e coidado do mar e os seus hábitats.

MAIOS 2023

Para dar a benvida á primavera, celebramos a festa dos Maios. Este ano, puidemos volver a xuntar a toda a comunidade educativa para construílo e cantar e bailar ao seu redor. Grazas a todos o que fixeron posible a súa realización.