CARTA DE FÉLIX DENDE XAPÓN

Cando Félix desapareceu no ceo, tanto Sofía coma nós quedamos preocupados. Pero agora xa sabemos que está ben, aínda que tivo un aterraxe un pouco accidentado. Contóunolo nunha carta que estivemos a ler a semana pasada, nela nos di que chegou a Xapón e que vai quedar alá pero… ¿onde está ese país?... en clase estivemos vendo mapas e intentado localizalo. Xa empezamos a saber que está formado por illas pero ao igual que Félix queremos coñecer a súa cultura, costumes, gastronomía…

Agora imos montar un recuncho na aula con todos os materiais que atopemos relacionados co país nipón. Coma sempre, se tedes na casa contos, libros, DVDs, fotos, quebracabezas, postais, mapas, obxectos, propaganda de axencias de viaxe, folletos ou calquera outro material relacionado co tema e adaptado ás idades dos nosos alumnos, podédelo traer para velo na aula e aprender todos xuntos.

¡FELICIDADES MARÍA!

LAS CARTAS DE FÉLIX EL EXPLORADOR

Este é o título do conto no que nos imos basear este curso para continuar coñecendo países e culturas.  O luns, na nosa visita semanal á biblioteca escolar, limos as súas primeiras páxinas e vimos como Félix desaparecía voando no globo de corazóns vermellos que construíra con Sofía. Os que desexen coñecer cómo comeza a súa nova aventura, poden clicar na imaxe e acceder as primeiras follas deste marabilloso libro.

OBRADOIRO DE COCIÑA

Para todos os que estiveron hoxe enfermiños ou non puideron asistir a clase, lembrarlles que o venres comezaremos co noso obradoiro anual de cociña. Esta semana non temos que traer ningún ingrediente. Será María a que se encargará de traer o leite, o chocolate e as galletas para cociñar entre todos unha torta coa que celebrar o seu aniversario.  Pero os que aínda non trouxeron os seus utensilios de cociña (prato, culler, garfo e coitelo), non se esquezan de levalos á escola antes do venres. 

COMEZAMOS…

Coa visita semanal á biblioteca escolar, as clases de informática, inglés, educación ambiental, documental…

 E por suposto,  co empréstito de libros e as mochilas viaxeiras.

Nos vindeiros días tocaralle a música, audición e linguaxe, psicomotricidade… Pouco a pouco iremos collendo o ritmo, pero hoxe o importante é que todos marcharon para casa cun libro a súa elección. Agora tócalle a papá, mamá ou aos avós reservar un anaquiño do día para lelo xuntiños e gozar dese momento especial.



LEMBRANDO A FÉLIX…

Ao final do curso pasado soubemos que, o peluche protagonista do conto “Cartas de Félix” da escritora Annette Langen que nos acompañou durante dous anos, volveu a casa xunto a súa amiga Sofía. Esta semana, no libro “El correo flotante de Félix” limos que Félix e Sofía tiveron que enfrontarse a un novo problema: todos os membros da familia enfermaron, soamente eles estaban ben para coidalos …

Mentres os maiores traballaban ao redor dos nomes dos personaxes do conto, os pequenos, pouquiño a pouco, ímonos integrando na rutina escolar. Hoxe xa rematamos o período de adaptación e a partir de mañá incorporámonos a xornada completa.

OS NOSOS PRIMEIROS DÍAS DE ESCOLA…

¡Como nos gusta a volta ao colexio!... Estar cos amigos, merendar  xuntos, xogar nos recunchos, brincar no patio, enredar coa area, sentirnos maiores… 

Aínda que os que se separan de papá e mamá por primeira vez non o teñen tan claro.
 Para eles son demasiadas as cousas que descoñecen: os compañeiros, a mestra, a aula, as rutinas, as normas… Hai quen dende o primeiro momento se sinte como en casa e quen necesita chorar un pouquiño antes de descubrir que a escola tamén é divertida.

BENVIDOS AO CURSO 2013/14

Despois da paréntese do verán, aquí estamos de novo para darvos a benvida ao curso 2013/14. Como xa todos saberedes, o mércores día 11 ás 10:30, teremos a nosa primeira reunión coas familias na aula de Leiro. Nela falaremos, entre outras cousas, das liñas prioritarias do ano académico, do período de adaptación dos novos alumnos, das normas de funcionamento, dos cambios no profesorado co centro, aclararemos todas as vosas dúbidas e escoitaremos a vosas suxestións. Deberedes acudir acompañados dos vosos fillos, mentres nós conversamos, outra mestra estará con eles para facilitarlle a incorporación á escola. Coma sempre, para aquelas familias que queiran ir organizándose, aquí lle deixamos o calendario escolar.