Aínda que este ano tivemos que aprazar a nosa tradicional
festa debido á choiva, a semana pasada por fin puidemos celebrala.
Colares de flores, xogos, cancións, bailes con gaiteiros e unha gran
merendola, inundaron un ano máis a nosa
escola para darlle a benvida á primavera.
Tras a xornada de educación vial, decidimos levar as bicicletas
as nosas propostas culinarias da fin de semana. Mirade nas imaxes que espectacular
quedou a que cociñou Brais.
O martes pasado, á Dirección Xeral de Tráfico, ensinounos como debemos desprazarnos con seguridade.
O máis divertido chegou coa parte
práctica, cando actuamos como peóns e como condutores.
O venres levamos para casa un divertido prato para axudar a distribuír as porcións de alimentos de xeito saudable. A metade do prato está dedicada a froitas e verduras, un cuarto a proteínas como pescados ou carnes brancas, e o cuarto restante, a grans integrais entre os que están a pasta ou o pan.
Que maiores! Xa son tantas as velas que non collen nunha
torta. Necesitamos dúas e facer unha suma para chegar a seis. Parabéns!
Para conmemorar o Día do Libro, a ANPA da escola trouxo
unha chea de libros para Zapatocas e uns agasallos para cada neno. Estamos desexando
ir á biblioteca para lelos todos. Moitísimas grazas!!
Grazas a mamá de Noel e á Escola de Enxeñaría Forestal
Universidade de Vigo, puidemos coñecer o traballo desenvolvido pola Comunidade
de Montes Veciñais en Man Común de Baroña.
Vimos como utilizan parcelas do monte para cultivar
froitos do bosque e cogomelos, pero tamén para a produción de mel e a cría de
cabalos e ovellas. Ademais aprendemos como plantar e a importancia que teñen as
árbores nos ecosistemas.
Tras recuperar forzas cuns saborosos bocatas, volvemos
para casa cunha chea de agasallos. Grazas Xana!
Este ano os piratas invadiron o noso festival de
Carnaval. Grazas ao gran esforzo realizado pola ANPA do colexio, puidemos realizar
unhas simpáticas fotografías nos espectaculares photocalls que prepararon.
Ademais argallaron unha busca do tesouro chea de probas divertidas.
Tras superalas conseguimos o mapa do tesouro, puidemos atopalo e levar a recompensa para casa.
Tamén contamos coa actuación do Mago Paco que veu cargado
de contos cheos de imaxinación.
Chegado o momento da merenda, recuperamos forzas con
orellas, filloas, rosquillas e outros doces típicos destas datas elaborados con
moito agarimo polas familias.
Rematamos a xornada cun desfile e a actuación de todas as
escolas baixo a dirección da mestra Olalla de música.
Onte, para conmemorar o Dia Escolar da Non Violencia e a
Paz, Zapatocas propúxonos unha actividade baseada no mural “Construír”
de Lidia Cao. Ao igual que as mulleres representadas na obra da artista, entre
todos creamos unha construción que representa a paz. Cada alumno colocou con
coidadiño unha peza co seu nome e a palabra que considera pode contribuír á non
violencia. A paz, coma a nosa construción, precisa do esforzo de todos para
conseguir o equilibrio.
Para conmemorar o Día da ilustración, onte levamos para
casa unha guía de lectura que recompila os contiños que temos na biblioteca de
Gómez. Paseniño na aula estamos lendo todos e facendo actividades ao seu redor.
