REMATAMOS O NOSO CALENDARIO

Onte, coa confección da portada que sirve de guía de lecturas, rematamos o noso calendario escolar dedicado a Leandro Lamas. Agora soamente nos queda encadernalo e listo para empeza a usar en setembro.

XEADO CON GALLETAS E CACAHUETES

NA HORA DE LER…O MUNDO QUE QUEREMOS

Como todos sabedes, este ano as actividades do Salón do Libro de Pontevedra xiraron ao redor de “O mundo que queremos”. Dende a biblioteca escolar, para conmemorar o Día do Libro, editouse unha guía de lectura baixo este lema e hoxe levamola para casa. Na clase aproveitamos esta selección para reflexionar á hora de ler sobre os temas neles tratados. Esperamos que no fogar gocedes tanto coma nós coa súa lectura.

EXCURSIÓN A SANTIAGO DE COMPOSTELA

Despois de todo o ano falando do Camiño de Santiago, tiñamos que ir coñecer a cidade e sobre todo a súa catedral. Pero ademais aproveitamos a xornada para visitar o parque de bombeiros, o conservatorio e o museo.

LETRAS GALEGAS 2017

Este ano Carlos Casares e os seus libros foron os protagonistas das letras galegas.

 A galiña azul, Lolo anda en bicicleta, As laranxas mais laranxas de todas as laranxas … Na escola limos os seus contiños, copiamos os seus títulos e ilustrámolos para participar II concurso de debuxo das letras galegas do ANPA do centro.

Se na casa tamén queredes aprender cousiñas sobre a vida e obra deste autor, probade a facer clic nas imaxes e accederedes ás actividades en liña do Seminario Galán.

II XORNADA DE EDUCACIÓN VIAL

Choveu, tronou, marchou a luz … pero o mal tempo no impediu que nós desenvolveramos igual a nosa xornada de educación vial prevista para hoxe. Os meniños conduciron bicicletas, patinetes, motos e vehículos do máis diverso por un circuíto con semáforos, rotondas, pasos de peóns e sinais. Grazas ao esforzo e dedicación de Paco da autoescola Barrantes, un ano máis, aprendemos a desprazarnos de forma segura. Despois viñeron os contos, o paseo no coche da Garda Civil e no camión, a charla da DXT e ata un divertido obradoiro de cociña. Rematamos coa actuación en inglés kids&Us e os seus lúdicos contacontos. 

ANIVERSARIO DE BORJA

TEMPO DE AMORODOS

En batidos, con iogur, en pasteis, con zume … ¡que ricas están as fresa en primavera! Nas últimas semanas foron as protagonistas do noso obradoiro de cociña, a continuación a última das nosas receitas antes de que remate a temporada.

EXCURSIÓN À SEDE AFUNDACIÓN PONTEVEDRA

Primeiro unha visita guiada coa mascota Pintafontes á exposición fotográfica de Xosé Abad sobre oficios en perigo de desaparición. Despois un obradoiro no que fixemos de zoqueiros e unha merenda cos amigos para recuperar forzas. E por último, rimos e bailamos co espectáculo Gatuxo. E, a pesar da choiva, aínda sacamos un anaquiño de tempo para quitarnos unha foto coas esculturas de Carlos Casares e Castelao, persoeiros que estamos traballando na escola.

MIGUEL, MIGUEL, MIGUEL

AS LARANXAS DA HORTA DA ESCOLA

En xeral aos meniños gústalle moito cociñar  pero, se empregamos como ingredientes os produtos que cultivan na aula de natureza coa mestra Ana, a actividade adquire un valor engadido. Nesta ocasión as protagonistas foron as laranxas que acompañamos de amorodos para crear unha merenda exquisita e chea de vitaminas. 

O NOSO CALENDARIO DE LEANDRO LAMAS AVANZA

Paseniño imos creando o noso particular calendario escolar do vindeiro curso. Imos polo mes de xuño e son moitas as imaxes creadas por Leandro Lamas que xa coñecemos. Paralelamente imos lendo os contos e poemas que ilustra, así como escoitando as cancións dos CD que conteñen os libros disco. Neste enlace podedes ver o vídeo do conto do Apapaldor ao que dedicamos o mes de decembro.