O MUÍÑO DE VENTO DE ERIK

O noso cociñeiro Erik tamén animouse a elaborar un divertido muíño de vento. Mirade na imaxe que chuliño lle quedou.

ÁRBORES FROITEIRAS

 

Cada día que camiñamos aproveitamos a andaina para descubrir ou gozar das sorpresas que a natureza nos ofrece. Esta semana dedicámola a observar os cambios que a primavera realizou nas árbores froiteiras da horta da escola. Paseniño imos lembrando os nomes que aprendemos coa mestra Ana na aula de natureza e vendo como se van formando os froitos a partir das flores.

O MUÍÑO DE MARTA

A nosa cociñeira Marta animouse a elaborar un dos muíños de vento de Don Quixote. Mirade nas fotos que ben lle quedou.

ERIK E O CONTO MUY FAMOSO

O noso seguinte protagonista na recreación de portadas é un famoso futbolista. Seguro que todos recoñecedes a Erik nun conto no que aparece practicando o seu deporte favorito. Moitas grazas por participar! Quedouvos xenial!

MARTA, RAÍÑA DA FROITA DE ABRIL

Melón, arandos, kiwi, plátano e fresas. Todas estas froitas tomou Marta en abril. Xa temos a nosa primeira raíña do mes. Parabéns! Estás feita unha auténtica comefroitas!

FELIZ DÍA DO LIBRO!

 

Chega a fin de semana e con ela a nosa proposta culinaria. Nesta ocasión queremos renderlle unha pequena homenaxe a Don Quixote elaborando uns divertidos muíños de vento. Unha forma diferente de celebrar o Día do Libro en familia. 

E para ir quentando motores, nada mellor que esta alegre canción de Don Quixote.

Se vos animades, aínda estades a tempo de participar na proposta de recrear portadas. Ademais das colgadas no noso blog, podedes visitar o da aula de Ribadumia B e veredes unha chea de ideas divertidas.

NOA PONLLE AS PILAS AO SEU BOCATA

 

Noa tamén animouse a poñerlle as pilas ao seu bocata empregando calamares como ingrediente principal. Que rico!

MARTA E O CONTO SOFÍA ALEGRÍA: EXPERTA EN UNICORNIOS

Marta é a primeira nena de Leiro en participar na proposta para conmemorar o Día do Libro. Na recreación da portada converteuse na protagonista do conto Sofía Alegría: experta en unicornios. Disfrazouse coma ela e ata imitou a súa postura á perfección. Moitas grazas!

MARTA PÚXOLLE AS PILAS AO SEU BOCATA

COÑECENDO A DON QUIXOTE

Co gallo do Día do Libro, onte Zapatocas preparounos unha recompilación de libros ao redor da figura de Don Quixote. No transcurso desta semana iremos coñecendo algúns dos personaxes e aventuras da obra máis coñecida de Miguel de Cervantes.

PONLLE AS PILAS AO TEU BOCATA

Para coñecer as virtudes das conservas de produtos do mar, desenvólvese a campaña Ponlle as pilas ao teu bocata. Dende a escola sumámonos a esta iniciativa propoñendo cociñar un saboroso bocadillo Neutrón. Neste enlace tedes as múltiples opcións que levaron os meniños o venres no tríptico informativo, animádevos a elaborar o que máis vos apeteza.

TESOUROS NAS ANDAINAS

 

Coa chegada do bo tempo recuperamos as nosas andainas diarias na contorna da escola. Ademais de adestrarnos, por se a final de curso podemos facer un anaquiño do Camiño de Santiago coma outros anos, cada día atopamos pequenos tesouros.

Onte descubrimos unha chea das herbas que a mestra chama “coxeguiñas”. Estivemos apañando nelas para facer un ramo de flores secas que hoxe adornamos reciclando recortes de plástico. Coa axuda da mestra Ana investigamos e soubemos que se trata da briza, unha herba que ten ademais outros nomes tan fermosos coma “tremedeira”.

PREPARANDO O DÍA DO LIBRO

O vindeiro día 23 celébrase o Día Internacional do Libro. Para conmemóralo Zapatocas compartiu connosco esta divertida proposta que realizaron noutros coles. Trátase de escoller un conto e, con materiais que teñades na casa e a vosa imaxinación, recrear a súa portada. Cando a teñades lista, mandade por correo electrónico a foto da portada orixinal do conto elixido e a foto coa vosa recreación a escoladeleiro@gmail.com. A modo de exemplo iremos publicando nesta entrada as que estamos a facer as mestras. 

AS FLORES DE FROITA DE ERIK

 

Erik tamén animouse a cociñar flores de froitas incluíndo un nutritivo ingrediente: aguacate. Mirade nas fotos que ben lle queda.

FRIDA KAHLO NA BIBLIOTECA

Zapatocas, a mascota da biblioteca, preparounos un recuncho dedicado á artista Frida kalho. Onte, na nosa visita semanal, estivemos vendo os libros que nos tiña seleccionados. Paseniño iremos léndoos e aprendendo diferentes aspectos da súa vida e obra.

O MONO ARAÑA DE MARTA E ERIK

Xa temos outras dúas versións diferentes da proposta do mono araña de Frida kahlo. Nesta ocasión Marta empregou unha galleta coma base e Erik unha tortiña de millo. Mirade nas imaxes que chuliños quedaron.

 

OVOS DE PASCUA

Noa enviounos unhas bonitas fotos contándonos como xogara a atopar ovos de Pascua. Pareceunos unha excelente idea e decidimos imitala. Confeccionamos e decoramos ovos de papel. Despois, aproveitando o bo tempo da semana pasada, coa axuda da mestra Miriam e Ana xogamos a agochalos polo xardín. O máis divertido foi tentar atopar os que escondían os compañeiros. 

O MONO ARAÑA DE NOA

 Noa tamén cociñou xa o mono araña de Frida Kahlo. Mirade na foto que nos enviou que chuliño lle quedou.

O MONO ARAÑA DE MARÍA

María fixo a súa propia versión da receita do mono araña empregando unha filloa como base. Unha versión moito máis enxebre e nutritiva. Mirade na imaxe que ben lle quedou.

PAMPULLOS

Esta semana a primavera tróuxonos un bonito agasallo. Á volta das vacacións de Pascua, atopamos o xardín do parque da escola cuberto de pampullos. Non puidemos resistirnos á tentación de apañalos e elaborar pulseiras de flores.

O MONO ARAÑA DE FRIDA KAHLO

O xoves coñecemos a Fulang Chang, o mono araña que Frida Kahlo tanto amaba e pintaba nos seus autorretratos. Hoxe propoñemos levar esta mascota á nosa proposta culinaria da fin de semana. Optamos por esta receita sinxeliña pero tedes esta outra opción máis divertida.