Hoxe imos
coñecer uns personaxes moi especiais: os Mironins.
Estes pequenos seres viven nos cadros de Joan Miró
e saen a pasear pola Fundación do pintorcando cae a noite.
Na seguinte imaxe da súa páxina web, podemos coñecer a personalidade das
tres gotas de pintura que escaparon dun dos cadros de Joan Miró. Animádevos a debuxalas?
Xa temos a
segunda árbore xenealóxica. Nesta ocasión foi Marcos quen se animou a
investigar. Esperamos seguir recibindo máis. Dan
moito traballo pero despois quedan moi chuliñas e axudan aos nenos a coñecer a
súa historia familiar.
Aínda que
temos que seguir tendo coidadiño e manter a distancia de seguridade, xa podemos
ir á praia. Nela ábrese un mundo de posibilidades que Marta xa quixo compartir
connosco. Pódemos escribir nomes na area, debuxar, deixar pegadas, facer
figuras, realizar construcións con moldes ou sen eles, xogar ao tres en raia,
crear mandalas con cunchiñas, experimentar con recipientes … Se vos apetece
mandarnos as vosas fotos coas vosas creacións, seguro que inspiramos aos
compañeiros e descubrimos novas posibilidades.
Listos para superar o reto comefroitas de Marcos? El preparou unha exquisita
brocheta. Seguro que sodes capaces de enviarnos un correo cos ingredientes. Se ademais
a comedes, aínda estades a tempo de completar o álbum e convertervos en reis ou
raíñas da froita do mes de maio. E non esquezades que podedes seguir enviando novos retos comefroitas.
Fai moito tempo que non xogamos cos nomes e hoxe vos propoñemos retomar o
tema empregando os de toda a familia. Trátase de facer un listado con todos
eles como na foto que nos enviou Marcos cos da escola, non fai falta que poñamos foto se non temos. Podemos escribir os que
queiramos: os dos primos, tíos, avós, irmáns … Despois contamos cantas letras
ten cada un e anotamos o número. E para rematar vemos o que ten máis, menos ou
igual. Tamén podemos facer tarxetas con eles e ordenalas de máis a menos número
de grafías ou á inversa.
Mirade que árbore máis chuliña construíu Roi coa axuda da súa familia. Cóntanos
que gustoulle moito este reto.
Recortaron os nomes e Roi foi poñéndoos cadanseu
sitio. Animádevos a facer a vosa, seguro que o pasades tan ben coma el.
Lía xa pensou
nomes para os pitiños de verderolo. Ela cre que son femias e como lle gustan
moito os “Bebés llorones”,
esta valorando chamarlles coma eles: Lady, Doti, Coni e Lala. Se vos animades podedes
mandar máis propostas para que ela decida.
Como xa
sabedes polas diferentes actividades propostas pola mestra Ana no blog de natureza, o pasado 22 de maio conmemorouse o Día Internacional
da Diversidade Biolóxica. Para apoialo vos propoñemos varias actividades sobre unha
das especies en perigo de extinción: o lince ibérico. Podemos comezar quentando
motores vendo en familia o seguinte documental que seguro espertará lembranzas entre os máis maiores da casa.
Despois vos suxiro
pasar á prensa dixital e ler e comentar cos meniños esta noticia aparecida nas últimas semanas. Nela poderedes ver o nacemento de
tres cachorros de lince ibérico. Por último e se vos apetece, podedes cubrir esta ficha ou sacar ideas para crear unha.diferente.
Outra opción é investigar, debuxar ou crear e mandar unha foto ou vídeo do voso traballo.
Lía, Marta, Ero e Rosana
xa superaron o reto das pitas. Seguro que moitos de vós tamén. Por se alguén
ten dúbidas e non contou algunha galiña que andaba algo agochada, mirade nas
fotos dos vosos compañeiros a solución.
Coa nova proposta do mestre de educación física mirade no vídeo de Marta que ben o
podedes pasar practicando. Un divertido xeito de darlle unha nova vida as
caixas de cartón e aos tubo de papel de cociña. Se probades a decoralos como se
fosen auténticos coches de carreiras seguro que vos quedan moi chuliños e vos
divertides dobremente. Neste enlace e aquí
tedes algunhas ideas.
O pasado
15 de maio celebrouse o Día Internacional da Familia. Para conmemoralo a mestra Maríapropuxo a actividade da que Roi nos manda a foto.
Esta esta
fin de semana propoñémosvos continuar traballando ao redor do tema pero
empregando os nosos álbums de familia. Trátase de buscalos, xa sexan en formato
papel ou dixital, e ver cos meniños eses onde aparecen irmáns, avós, primos,
tíos, amigos, mascotas, viaxes, celebracións, rutinas... Todas as familias
teñen a súa historia particular cargada de lembranzas, historias, anécdotas …
un xeito bonito de non esquecela nunca é compartila cos nosos fillos. Coma sempre,
se vos apetece, podedes mandarnos debuxos, vídeos, textos ou fotos deses
momentos compartidos.
E se vos
animades incluso podedes crear a vosa árbore xenealóxica, neste enlace tedes algunhas ideas por se
vos serven de inspiración.
Rosana,
Ero e Lía xa atoparon as aves agochadas no poema de Ricardo Carvalho. Seguro
que moitos de vós tamén o fixestes. Por se alguén anda despistado e aínda non as atopou, a
continuación as fotos coa solución.
Esta fin de semana Lía mandounos as fotos dun precioso descubrimento. Cóntanos
que fai uns días a avoa de Portonovo fíxolles chegar unha foto dun niño que atopou
nunha parra. Agora que xa puideron ir alá, foron mirar qué tal estaban os ovos con
moito coidado de non tocar e levaron unha sorpresa pois xa naceran os
paxariños. Estiveron observando agochados e comprobaron que tratábase dun verderolo. Podemos axudar a
buscar nomes para eses pitiños, podedes mandarnos un correo coas propostas e a
ver que decide Lía. E aquí vai o seguinte reto: Cantos paxariños son? Cantos nomes
necesita?
Casas,
árbores, cabalos, parras … Marcos animouse a fotografar, escribir, debuxar e
enviarnos as cousas que ve dende a súa xanela como vos propoñiamos na entrada dasemana pasada.
Hoxe vos suxerimos continuar observando desde a vosa fiestra
pero á noitiña e facer a actividade da Fundación Miró Mallorca “Unha horta de estrelas”. A noite
sempre acompañou a Joan Miró. A lúa, as estrelas e as constelacións son
elementos que atopamos en moitas das súas obras. Por isto vos suxerimos abrir a
ventá ou balcón e debuxar a vosa particular horta de estrelas como máis vos
guste e enviarnos as vosas creacións. Tamén podedes probar a empregar a técnica
do monotipo descrita neste enlace da fundación.
Hoxe imos
xogar coas fotos que nos enviades a partir do conto "As pitas baixo a choiva". Comezamos contando. Cantas galiñas aparecen detrás
de Ero e Rosana?
E agora máis difícil, cantas hai diante de Marta?
E se
xuntamos as de Ero e Rosana coas de Marta, cantas hai en total? Tócalle quenda
aos pitiños de Marta. Canto sodes capaces de contar? Esperamos os vosos correos
coas respostas
E agora para celebrar o ben que contades, todos a
cantar co seguinte vídeo
A nosa ave misteriosa
de fai unhas semanas era un pombo,
pode verse durante todo o ano e as súas manchas brancas no pescozo e as ás son
característicos e facilmente recoñecibles.
Paseniño as aves van chegando ao noso
correo. Hoxe propoñemos aprender cousiñas sobre as gaivotas que aparecen nas
fotos que nos enviaron Marcos e Marta.
Durante o paseo de Marta
Na horta de Marcos
Neste enlace
do goberno de Canarias tedes moita información sinxeliña e, neste outro,
podedes ademais ver un vídeo e escoitar o seu canto. Animádevos a mandarnos
debuxos, anécdotas, fotos ou pequenos textos con todo o que aprendestes despois de velos.
E para os que necesiten inspiración para comezar a debuxar,
a continuación un vídeo de como facelas.
Con moito
do Día das letras Galegas, o Concello de Ribadumia convoca un concurso de
poesía no que poden participar os nosos alumnos na categoría de infantil. Cada
concursante pode enviar un único traballo e deberá envialo en formato jpg ou
pdf á seguinte dirección de mail: cultura@ribadumia.org
ata o 31 de maio. Haberá un premio por cada categoría que constará dun vale por
valor de 50 € para empregar no comercio local de Ribadumia. Toda da información neste enlace.
Continuamos cos
nosos refráns debuxados. Hoxe mandóunolo Roi e fai referencia ao mes en curso e
ao bo tempo do que gozamos. Nel, a sabedoría popular lémbranos que, nestas datas,
non podemos confiarnos porque as baixadas bruscas de temperatura son habituais.
Ata o corenta de maio, que vén sendo o dez de xuño, tes que ter a man roupa de
inverno porque podes ter que volver a utilizala.
Esperamos con ilusión o seguinte refrán, animádevos a participar.
No poema de Ricardo Carvalho da imaxe superior aparecen os nomes de tres aves. A ver se sodes capaces
de atopalas e escribir os seus nomes. Nestes enlaces tedes algunhas pistas e
información sobre elas.
https://www.seo.org/ave/lavandera-blanca/ E
agora máis difícil. Despois de visitar os enlaces anteriores, saberedes dicirnos
cal ave se posou na póla do debuxo que ilustra o poema da imaxe? Esperamos os
vosos correos coas respostas.
Seguindo as suxestións do mestre de educación física, Marta
practica o xogo dos birlos
á vez que lle dá outra vida aos tubos de papel hixiénico. Probade na casa e
veredes o ben que o pasades. Se os decorades primeiro, quedaranvos moi chuliños e divertirédesvos dobremente. Tedes
algunhas ideas aquí. E a continuación máis propostas de educación física:
Lía tamén ten unha anécdota ao redor das pitas como
no relato de Ricardo Carvalho Calero. Mándanos unha preciosa foto coa súa bisavoa collendo
un pitiño de Kika. Cóntanos que cando era pequena pensaba que os pitiños de
kika eran femias porque tiñan os ollos pintados. Tamén estivo traballando ao redor do conto "As pitas baixo a choiva", podedes probar a facer coma ela, recortar as palabras e intentar ordenalas de novo. Tentalo tamén cos títulos dos vosos libros favoritos a ver que tal vos sae.
Queremos celebrar un día tan especial coa
publicación do vídeo que editou a mestra Lupe de música coa colaboración de toda a comunidade educativa que quixo participar.
Agradecemos ás familias o seu esforzo e á mestra Lupe o seu gran
traballo.
Hoxe é o aniversario de Marcos e a mestra Lupe de música quixo dedicarlle un vídeo no
seu blog de música. Picade na imaxe para acceder a el. Parabéns Marcos!!
Ricardo Carvalho Caleiro no seu libro “As pitas baixo a choiva” narra un feito anecdótico da
súa infancia. Conta como un neno descobre desde a fiestra da casa que as pitas
estanse a mollar e el téntaas facer entrar ó galiñeiro; elas asústanse e, ao
final, todos os membros da familia acaban mollados como pitos.
Marcos, como o protagonista do relato, tamén ten un galiñeiro na súa casa. Contounos que cando
naceron os pitiños quixo coller un para acaricialo.
Pero a kica, que defende as súas crías de calquera perigo, mal interpretou as súas
intencións e case lle peteira. Marcos tivo que correr para evitalo. Mándanos
un debuxo, fotos e un vídeo. Mirade que bonitiños son os pitiños, entran ganas
de acariñalos. Seguro que todos tedes anécdotas,
animádevos a compartilas cun pequeno texto ou debuxo.
Xa
están listos para a montaxe os vídeos das mestras, agora soamente faltan os dalgunhas
familias. Se aínda non o fixestes, soamente tedes que gravarvos en horizontal un
minuto imitando un grupo musical ou como máis vos apeteza. Seguro que aos
meniños gústalle verse xunto aos seus compañeiros no resultado final cando o
publiquemos. Tedes toda a información aquí.
A continuación vos deixo o vídeo coa musica que imos bailar para motivarvos.
E agora
que coñecedes o conto podedes xogar coas actividades LIM que propón o Seminario
Galán. Picade en cada imaxe para acceder a elas, son en complexidade crecente
dependendo do curso de infantil.
Tamén tedes versións para imprimir ou coller ideas
picando en 3 anos, 4 anos ou 5 anos.
E por
último a nosa proposta. Tedes na vosa casa ou na dos avós un galiñeiro con
pitas? Animádevos a debuxalo, contarnos algunha aventura que vos pasara coas
galiñas ou mandarnos unha foto. Esperamos a vosa reposta, se non tedes
galiñeiro tamén podedes empregar a imaxinación coma Joan Miró e crear o voso
propio. Mirade na imaxe o seu cadro titulado “O Galo" e seguro que vos inspirades.
Xa temos
o noso segundo refrán debuxado. Neste caso mandóunolo Lía e ten como
protagonista á sardiña e a súa relación co mes de maio. Xa os mariñeiros
galegos difundiron a convicción de que nos meses con erre (setembro-abril) o
peixe azul non está listo para comer por tamaño e sabor. A cousa é que maio é o
primeiro mes sen erre pero o certo é que en maio as sardiñas aínda son
pequeneiras e, sobre todo, non teñen a graxa que as fai saborosas. Animádevos a seguir participando, seguro que todos aprendemos unha chea de cousiñas a través do noso refraneiro.
Listos para afrontar o reto comefroitas desta
semana? Hoxe é Roi quen nos trae dúas propostas moi divertidas e nutritivas: un
león e unhas flores. Se queredes saber a solución picade enriba das imaxes inferiores
e comprobades se acertastes os ingredientes.
Aínda non chegamos a mediados de mes e xa temos a nosa primeira raíña da
froita. Parabén Marta! Estás feita unha autentica comefroitas! Animádevos todos
a incluír varias pezas de froita ao día e seguro que tamén conseguides ser reis do mes de maio.
Xa temos algúns dos resultados da nosa proposta ao
redor da lúa das flores. Gael mándanos unhas fotos preciosas, Lía ademais adxunta unha ficha
moi interesante e Marcos a actividade do xornal feita igual que Marta, esta última engade un bonito debuxo da Lúa. Se queredes desenvolver a vosa creatividades coa Lúa como temática, aínda estades a tempo de mandarnos as
vosas producións e publicarémolas.
Xa temos o noso primeiro refrán ilustrado.
Mandóunolo Gael e ten como protagonista unha anduriña. Animádevos participar enviándonos os que escoitades nas vosas casas ou preguntarlle aos avós, seguro que eles coñecen moitos dos temas
máis diversos.
Esta fin de semana Laura quixo compartir connosco as súas
actividades realizadas con témperas. Cantos nos alegramos de saber dela! Pintar con pinceis ou cos dedos sempre é unha
tarefa divertida e creativa. Podedes probar a mesturar as cores e experimentar
para obter novas tonalidades. No vídeo inferior tedes unha proposta de como facelo.
